Juliet Rose လို့အမည်ရတဲ့ မင်္ဂလာနှင်းဆီဟာ လှပတဲ့အသွင်နဲ့ဆန်းပြားသောပန်းမျိုးစိတ်တစ်မျိုးပဲဖြစ်ပါတယ်။ Juliet Roseများဟာ၎င်းတို့ရဲ့ အရွယ်အစား၊အံ့မခန်းပုံစံများကြောင့်ဇိမ်ခံပန်းများအဖြစ်ထင်ရှားကာ အနောက်နိုင်ငံများရဲ့မင်္ဂလာပွဲများမှာ သတို့သမီးပန်းစည်းအဖြစ်အသုံးပြုကြတဲ့အထိအရေးပါတဲ့ပန်းတစ်မျိုးပင်ဖြစ်ပါတယ်။ ရှားပါးတဲ့ပန်းမျိုးစိတ်များတစ်ခုဖြစ်ကြတဲ့ Juliet Roseတွေဟာ သဘာဝအတိုင်းပေါက်ရောက် ရှင်သန်လာခဲ့တဲ့ပန်းမျိုးစိတ်တစ်ခုတော့မဟုတ်ပါဘူး
![https://s9.kh1.co/__image/w=650,h=342,q=100/89/896350e4cfa858ffbea07db74e75a2ab75297e70.jpg](https://s9.kh1.co/__image/w=650,h=342,q=100/89/896350e4cfa858ffbea07db74e75a2ab75297e70.jpg)
ကမ္ဘာ့အရှားပါးဆုံးပန်မျိုးစိတ်တစ်မျိုးဖြစ်တဲ့ Juliet Rose တွေဟာကမ္ဘာ့ဈေးအကြီးဆုံးပန်းမျိုးစိတ်တစ်ခုအဖြစ်လည်းကျော်ကြားပါတယ်။ပန်းရဲ့အရောင်အသွေးဟာ မက်မွန်သီးနဲ့ဆင်တူပြီး အနံအသက်ဟာလည်းချိုမြတဲ့ အနံ့ကိုပိုင်ဆိုင်ထားပါတယ်။ဒီလှပတဲ့နှင်းဆီပင်မျိုးစိတ်လေးများကိုတော့ သဘာဝအတိုင်းပေါက်ရောက်ပွင့်လန်းစေခဲ့ခြင်းမဟုတ်ဘဲ ၁၉၇၈ ခုနှစ်မှာ အင်္ဂလန်နိုင်ငံမှ နှင်းဆီစိုက်ပျိုးသူDavid Austen မှတီထွင်ခဲ့တဲ့ပန်းမျိုးစိတ်တစ်ခုပဲဖြစ်ပါတယ်
![https://s9.kh1.co/__image/w=650,h=342,q=100/7c/7ceb7732a6dfa350576e82c977fe2dbe2d99a35f.jpg](https://s9.kh1.co/__image/w=650,h=342,q=100/7c/7ceb7732a6dfa350576e82c977fe2dbe2d99a35f.jpg)
အဆိုပါ Juliet Rose ကိုစမ်းသပ်စိုက်ပျိုးရန်အတွင် David Austen ဟာ ၁၅ နှစ်ခန့်အချိန်ယူကာ စမ်းသပ်စိုက်ပျိုးခဲ့ရပြီး ဒေါ်လာ ၄.၃ သန်းကုန်ကျခဲ့ကြောင်းသိရပါတယ်။ထိုကဲ့သို့သဘာဝအတိုင်းပေါက်ရောက်ခဲ့ခြင်းမဟုတ်သည့်အတွက် လှပတဲ့Juliet နှင်းဆီလေးများဟာ ကမ္ဘာ့အရှားပါးဆုံးနှင်းဆီမျိုးစိတ်တစ်ခုဖြစ်လာခဲ့ရပါတယ်။ အမျိုးသမီးအားလုံးနီးပါး၏နှလုံးသားကိုသိမ်းပိုက်ထားတဲ့ Juliet Rose ဟာ ၂၀၀၆ ခုနှစ်တွင် လန်ဒန်မှာကျင့်ပခဲ့တဲ့ Chelsea Flower Show မှာပွဲဦးထွက်ပြသခဲ့ပြီးလူသိများထင်ရှားလာပြီးကျော်ကြားလာခဲ့ပါတယ်
![https://s9.kh1.co/__image/w=650,h=342,q=100/3e/3e2c895837e93451eb7a591d25e99ce4736807d5.jpg](https://s9.kh1.co/__image/w=650,h=342,q=100/3e/3e2c895837e93451eb7a591d25e99ce4736807d5.jpg)