လူသားတွေဟာ အသက်ကြီးလာတာနှင့်အမျှ နုပျိုမှုတွေဆုံးရှုံးပြီးတော့ Collagen တွေနည်းပါးလာပါတယ်။ အသက်အရွယ်ကြီးမားမှုကြောင့် Collagen နည်းပါးလာတာဟာအဓိကပြဿနာဖြစ်ပေမဲ့ တစ်ခြားအကြောင်းရင်းတွေကြောင့်လည်း နည်းပါးလာနိုင်ပါတယ်။ စိတ်ဖိစီးမှုတွေကလည်း စိတ်ပိုင်းဆိုင်ရာကိုသာမက ကိုယ်ပိုင်းဆိုင်ရာကိုပါ အတော်လေးအားနည်းစေတာကြောင့် စိတ်ဖိစီးမှုတွေဟာ ကော်လာဂျင်တွေကိုလျော့နည်းလာစေတဲ့အဓိကအကြောင်းရင်းဖြစ်ပါတယ်။
နောက်တစ်ချက်ကတော့ အချိုတွေအစားလွန်ခြင်းနှင့် အယ်လ်ကိုဟောသောက်သုံးခြင်းတို့ဖြစ်ပါတယ်။ ဒီနှစ်ခုလုံးဟာ ကော်လာဂျင်တွေကိုလျော့နည်းစေနိုင်ပါတယ်။ နေလောင်ကာခရင်မ်မလိမ်းခြင်းကလည်း အသားအရေနေလောင်မှုကို ဖြစ်စေသလို မျက်နှာအသားအရေရဲ့ကော်လာဂျင်တွေကို လျော့နည်းသွားစေတာကြောင့် မရှိမဖြစ်လုပ်သင့်တဲ့အရာဖြစ်ပါတယ်။
အိပ်စက်မှုပုံမမှန်ခြင်းနှင့် ကျန်းမာတဲ့ဘဝနေထိုင်မှုပုံစံမရှိခြင်းကလည်း ကော်လာဂျင်တွေကိုအလျင်အမြန်လျော့နည်းလာစေနိုင်ပါတယ်။ အထူးသဖြင့် အမျိုးသမီးတွေအနေနှင့်ဆိုသွေးဆုံးပြီးနောက်ပိုင်းမှာ အရင်ကထက်ပိုပြီးကော်လာဂျင်တွေနည်းပါးသွားပြီးတော့ အသားအရေပြဿနာတွေကိုပိုကြုံတွေ့လာရမှာဖြစ်ပါတယ်။
Bong I.T