Hyeri ဟာ မကြာသေးခင်က Friendly Competition လို့ခေါ်တဲ့ ဒရာမာမှာ ခေါင်းဆောင်မင်းသမီးအဖြစ်ပါဝင်သွားမယ်လို့သတင်းထွက်လာခဲ့ပါတယ်။ ဒီဇာတ်လမ်းဟာ အောင်မြင်တဲ့ GL Webtoon တစ်ခုကိုပြန်လည်ရိုက်ကူးမယ့် ဒရာမာဖြစ်ပြီးတော့ မှုခင်းဇာတ်လမ်းပုံစံမျိုးဖြစ်ပါတယ်။

Hyeri အနေနှင့် အဓိကဇာတ်ဆောင်အဖြစ် ဉာဏ်ထက်တဲ့ကျောင်းသူတစ်ယောက်အနေနှင့်သရုပ်ဆောင်ရမှာဖြစ်ပြီး တွဲဖက်မင်းသမီးကတော့ ဘယ်သူဆိုတာကိုမသိရသေးပါဘူး။ ဒီဇာတ်လမ်းဟာ အဓိကဇာတ်ဆောင်နှစ်ယောက်ပူးပေါင်းပြီး အမှုတွေကို ဖြေရှင်းရင်းချစ်မိသွားကြတဲ့ဇာတ်လမ်းဖြစ်ပါတယ်။ 

ပရိတ်သတ်တွေကတော့ Hyeri အနေနှင့် ဒီလို GL ဒရာမာမျိုးကိုရွေးချယ်ရိုက်ကူးတာကိုချီးကျုးနေကြပါတယ်။ Hyeri အနေနှင့် စိန်ခေါ်မှုအသစ်တွေအတွက် အမြဲတမ်းစိတ်အားထက်သန်နေတာပဲဆိုပြီးပြောနေကြတာပါ။ Hyeri ဟာမကြာသေးခင်ကမှ ခြောက်နှစ်တာလက်တွဲခဲ့တဲ့မင်းသား ရူဂျွန်ယောလ် နှင့်လမ်းခွဲကြောင်းကြေညာထားခဲ့တာဖြစ်ပါတယ်။