လူငယ်တွေကြား ပိုရေပန်းစားလာနိုင်တဲ့ Jumpsuit ဖက်ရှင်

Jumpsuit တွေထဲမှာ လူဝတ်အများဆုံးလို့ဆိုနိုင်တဲ့ဒီဇိုင်းတွေဖြစ်ပါတယ်။ ဘောင်းဘီတိုနှင့်အင်္ကျီအပွကိုတစ်ဆက်တည်းဆက်ထားတဲ့ ဒီလို Jumpsuit ဒီဇိုင်းဟာ ထသွားထလာဖက်ရှင်အဖြစ်သာမက ပေါ့ပေါ့ပါးပါးဝတ်လို့ရတာကြောင့် အပြင်ထွက်တဲ့အချိန်မှာပါ ဝတ်ဆင်နိုင်ပါတယ်။ 

ဒီလို Jumpsuit တွေကိုတော့ ပန်းချီပညာရှင်နှင့် လက်မှုလုပ်တဲ့လူတွေအဝတ်များကြပါတယ်။ တစ်ဆက်တည်းဖြစ်ပြီး ပွပွချောင်ချောင်ဖြစ်တာကြောင့် ဝတ်ဆင်ရလွယ်ကူပြီး အဆင်ပြေစေမှာပါ။ 

ကမ်းခြေတွေနှင့် ခရီးသွားတဲ့အချိန်တွေမှာအဝတ်များကြတဲ့ ဒီဒီဇိုင်းဟာ လူငယ်တွေသာမက သက်လတ်ပိုင်းအမျိုးသမီးတွေပါဝတ်ဆင်တတ်ကြတဲ့ဒီဇိုင်းဖြစ်ပါတယ်။ ပေါ့ပါးတဲ့အပြင် ပန်းပွင့်အဆင်တွေကြောင့် မိန်းကလေးဆန်တဲ့ပုံစံပေါ်အောင်လည်း အများကြီးကူညီပေးပါတယ်။ 

ဒီလိုပိတ်သားနှင့်ချုပ်တဲ့ Jumpsuit တွေကတော့ ရုံးသွားရုံးလာအတွက်အဆင်ပြေရုံသာမက ပွဲလမ်းသဘင်တွေမှာပါဝတ်နိုင်တဲ့အထိ အဆင်ပြေတဲ့ဒီဇိုင်းတွေဖြစ်ပါတယ်။ 

ဒီလို Tweed အစနှင့်ချုပ်ထားတဲ့ Jumpsuit တွေကလည်း အခုနောက်ပိုင်းမှာ ပိုရေပန်းစားလာပြီးတော့ အထူးသဖြင့် Jumpsuit ဝတ်လေ့မရှိတဲ့လူငယ်တွေကြားမှာခေတ်စားလာပါတယ်။ ပေါ့ပါးတဲ့အပြင် တစ်ပြိုင်တည်းခေတ်ဆန်တဲ့အငွေ့အသက်ကိုပါပေးနိုင်တဲ့ဒီဇိုင်းဖြစ်ပါတယ်။