Skincare ပစ္စည်းအများစုကိုဝယ်ယူတော့မယ်ဆိုရင် အောက်ပါအချက်တွေကိုသတိထားပေးဖို့လိုအပ်ပါတယ်။
(၁) ပစ္စည်းတွေဝယ်တော့မယ်ဆိုရင် အရေးကြီးဆုံးက ကိုယ့်ရဲ့အသားအရေအမျိုးအစားကိုသိဖို့ပါ။ ပစ္စည်းတွေဟာ အသားအရေအမျိုးအစားအလိုက်ကွဲပြားကြတာကြောင့် ကိုယ့်အသားအရေအတွက်ထုတ်ထားတဲ့ပစ္စည်းတွေပဲဝယ်ယူသုံးစွဲရမှာဖြစ်ပါတယ်။
(၂) ပြီးတာနှင့် ပစ္စည်းထဲမှာပါဝင်တဲ့ ပါဝင်ပစ္စည်းစာရင်းကိုစစ်ကြည့်ရပါမယ်။ ပါဝင်ပစ္စည်းတွေထဲမှာ မတည့်တာမျိုး ရှိတတ်တာကြောင့် တွေကိုသေချာစစ်ဆေးပြီးမှဝယ်ယူရမှာဖြစ်ပါတယ်။
(၃) အသားအရေအခြေအနေအလိုက်လိုအပ်တဲ့ဓာတ်ကိုပေးနိုင်တဲ့ ပစ္စည်းကိုရွေးတတ်ဖို့လိုပါတယ်။ ကိုယ့်အသားအရေက ဝက်ခြံပေါက်နေလား အဆီပြန်နေလား ရေဓာတ်လိုအပ်နေလားအစရှိတဲ့ အသားအရေရဲ့လိုအပ်ချက်အပေါ်မူတည်ပြီးတော့ ရွေးချယ်ရပါမယ်။
(၄) တစ်ခါမှမသုံးဖူးသေးတဲ့ပစ္စည်းအသစ်တွေကိုသုံးချင်ရင် နမူနာသုံးလို့ရတဲ့ဘူးသေးလေးတွေကိုအရင်သုံးကြည့်သင့်ပါတယ်။ ဘူးသေးလေးတွေကနေတဆင့် တည့်မတည့်သိရပြီးတော့ ဘူးကြီးတွေကိုဝယ်ဖို့ဆုံးဖြတ်သင့်ပါတယ်။
(၅) ပစ္စည်းရဲ့ ဒိတ်ကိုကြည့်ဖို့ကလည်းအရေးကြီးပါတယ်။ ဒိတ်လွန်နေတဲ့ ပစ္စည်းတွေဟာ မထင်ထားလောက်အောင်ကြီးမားတဲ့အသားအရေပြဿနာတွေကိုဖြစ်စေနိုင်တာကြောင့် သေချာသတိထားကြည့်သင့်တဲ့အချက်ဖြစ်ပါတယ်။
Bong I.T