တက်တူးထိုးရတာကိုသဘောကျပြီး တက်တူးတွေကိုတစ်ကယ်ချစ်တဲ့သူဖြစ်လာပြီဆိုရင် သတိထားရမယ့်အချက်တွေရှိပါတယ်။ အထူးသဖြင့် ငယ်ရွယ်ချိန်မှာ တက်တူးထိုးဖို့စဥ်းစားနေတယ်ဆိုရင် ဒီအချက်လေးတွေကိုသတိထားသင့်ပါတယ်။

(၁) သေးငယ်တဲ့တက်တူးလေးတွေကနေအစပြုပါ။ စစချင်းမှာ ကြီးမားတဲ့တက်တူးတွေထက်သေးငယ်ပြီးတော့ လူမြင်မလွယ်တဲ့နေရာတွေမှာပဲစထိုးပါ။ ဒီလိုထိုးထားရင် စိတ်အပြောင်းအလဲကြောင့် တက်တူးကိုမကြိုက်တော့ရင်တောင် အလွယ်တကူဖျောက်နိုင်တာကြောင့်ဖြစ်ပါတယ်။

(၂) အနာဂတ်ကိုမမေ့ပါနဲ့။ တစ်ကယ်လို့သင်ဟာ တက်တူးကိုခွင့်မပြုတဲ့အလုပ်အကိုင်လိုမျိုးစဥ်းစားထားတယ်ဆိုရင် တက်တူးထိုးဖို့အတွက် အနာဂတ်အိမ်မက်ကိုပါစွန့်လွှတ်နိုင်သလားဆိုတာစဥ်းစားဖို့လိုအပ်ပါတယ်။

(၃) တစ်ကယ်ထိုးတော့မယ်ဆိုရင် ပုံစံရွေးချယ်တဲ့အချိန် ရေပန်းစားနေတာ လူကြိုက်များနေတာတွေကိုမရွေးပါနဲ့။ ကိုယ်တစ်ကယ်သဘောကျပြီး အဓိပ္ပါယ်ရှိတဲ့ပုံကိုပဲရွေးချယ်ပြီးထိုးသင့်ပါတယ်။

(၄) သူငယ်ချင်းဆက်ဆံရေး နှင့်ချစ်သူဆက်ဆံရေးတွေအတွက် ဆင်တူတက်တူးတွေမထိုးပါနဲ့။ ဘယ်ဆက်ဆံရေးမှ ထာဝရတည်မြဲတယ်ဆိုတာမရှိတာကြောင့် ဒါတွေထိုးထားခြင်းကအဓိပ္ပါယ်မရှိတဲ့အပြင် လမ်းခွဲလိုက်တဲ့အချိန် အဆင်မပြေဖြစ်စေပါလိမ့်မယ်။

(၅) တက်တူးထိုးပေးမဲ့ပညာရှင်ကိုသေချာရွေးချယ်ပြီးတော့ အသုံးပြုမယ့်ဆေးကိုလည်း အရည်အသွေးကောင်းမွန်တဲ့ဆေးတွေပဲအသုံးပြုသင့်ပါတယ်။