ကမ္ဘာပေါ်ရှိနို့တိုက်သတ္တဝါအများစုဟာအကောင်လိုက်ပေါက်ဖွားကြပါတယ်။ဒါပေမဲ့ ဥမှပေါက်တဲ့နို့တိုက်သတ္တဝါမျိုးစိတ်အချို့ရှိပေမယ့်သိရှိသူတော့အတော်ရှားပါတယ်။ ကမ္ဘာပေါ်မှာ Monotremes လို့ခေါ်တဲ့ဥမှသားပေါက်တဲ့နို့တိုက်သတ္တဝါမျိုးစိတ် ၅ မျိုးရှိပါတယ်။ ထိုသတ္တဝါ ၅ မျိုးမှာ Echidnas တွေဟာလည်းအပါအဝင်ဖြစ်ပါတယ်

Echidnas တွေဟာဩစတေးလျနဲ့နယူးဂီနီမှာ များစွာနေထိုင်ကြပြီး Monotremata မျိုးရင်းရဲ့တစ်ခုတည်း သောအသက်ရှင်ကျန်တဲမျိုးစိတ်တစ်ခုလည်းဖြစ်ပါတယ်။ခန္ဓာကိုယ်ပုံစံမှာ ဆူးတောင်များပါသော် လည်း ဖြူးကောင်များနဲ့ နီးကပ်တဲ့တူညီမှုတော့မရှိပါဘူး။ပညာရှင်များရဲ့လေ့လာချက်အရလွန်ခဲ့သော နှစ်သန်းပေါင်း ၂၀ နဲ့ ၅၀ ကြားမှာplatypus (ဘဲတူဖျံတူ) နဲ့တူတဲ့ Monotremes မှဆင်းသက်လာကြောင်း ဆိုကြပါတယ်

ခန္ဓာကိုယ်မှာ သားပိုက်ကောင်များကဲ့သို့ထူးခြားသောအိတ်တစ်ခုပါရှိပါတယ်။ အမများဟာမိတ်လိုက် ရာသီ မိတ်လိုက်ပြီး၂၂ ရက်အကြာမှာအခွံပျော့တဲ့ ဥ ဥကာ ဝမ်းဗိုက်ရှိအိတ်ထဲသို့ထည့်ကာသိမ်းထားလေ့ရှိကြပါတယ်။သားပေါက်ချိန်မှာ သားလောင်းများဟာမိခင်နို့ကို စို့ရင်းမိခင်ရဲ့အိတ် အတွင်းမှာတစ်နှစ်နီးပါးနေထိုင်ပြီးမှသာလျှင်ပြင်ပလောကသို့လွတ်လွတ်လပ်လပ်ထွက်ခွာကြကြောင်းသိရပါတယ်

နို့တိုက်သတ္တဝါတွေနဲ့ တွားသွားသတ္တဝါတွေရဲ့အရည်အသွေးတွေရှိတယ်လို့ယူဆသတ်မှတ်ထားတဲ့ Echidnas တွေဟာသက်တမ်းမှာ ပျမ်းမျှအားဖြင့် ၁၄ နှစ်မှ ၁၆ နှစ်အထိရှင်သန်နိုင်ကြတဲ့သတ္တဝါတွေပဲ ဖြစ်ပါတယ်။ဇီဝဖြစ်ပျက်မှုနည်းပါးပြီး ဖိစည်းမှုဒဏ်ကို ခံနိုင်ရည်ရှိခြင်းကြောင့် အသက်ရှည်ကြာစွာနေ ထိုင်နိုင်ခြင်းဖြစ်ကြောင်းလည်းသိရပါတယ်