Door to Hell သို့ Gates of Hell အမည်ရငရဲတံခါးပေါက်ကြီးဟာ တာခ့်မင်နစ္စတန်မြို့တော် Ashgabat ရဲ့မြောက်ဘက်၂၆၀ကီလိုမီတာရှိ Karakum သဲကန္တာရအလယ်မှာရှိပါတယ်။ Darvaza ဓာတ်ငွေ့မီးတောင်ဟုလည်းလူသိများတဲ့ ဒီမီးတောင်ကြီးဟာလွန်ခဲ့သော၁၉၈၀ နောက်ပိုင်းနှစ်များမှာ မီးများစတင်လောင်ကျွမ်းခဲ့ပြီး မီးတောင်ကြီးရဲ့ထိပ်ဝဟာလည်း သဘာဝဓာတ်ငွေ့များနဲ့လင်းထိန်နေပါတယ်။ထိုမီးညွှန့်မီးလျှံများတောက်လောင်နေသော မီးတောင်ကြီးဟာဘယ်အချိန်မှာပေါက်ကွဲမယ်ဆိုတာကိုတော့ဘယ်သူမှအတိအကျမသိနိုင်သေးပါဘူး

Gates of Hell မီးတောင်ကြီးရဲ့အစောပိုင်းမှတ်တမ်းများမရှိခြင်းဟာလည်း ထိုမီးတောင်ကြီးရဲ့အကြောင်းကို လေ့လာသူ ဘူမိဗေဒပညာရှင်တို့အတွက်အခက်အခဲတစ်ခုဖြစ်စေပါတယ်။ အချို့သောဘူမိဗေဒပညာရှင်တို့ကမူ ၁၉၆၀ နှစ်များမှာမီးတောင်ပြိုကျမှုများရှိခဲ့ကြောင်းအခိုင်အမာဆိုထားပါတယ်။ ထိုမီးတောင်ပြိုခြင်းကြောင့် အန္တရာယ်ရှိသော အဆိပ်ဓာတ်ငွေ့များထုတ်လွတ်ခြင်းမှကာကွယ်ရန် ၁၉၈၀ နောက်ပိုင်းမှာပညာရှင်များမှမီးရှို့ခဲ့ကြကြောင်းလည်းသိရပါတယ်

၂၀၂၂ မှာ သဘာဝပတ်ဝန်းကျင်နဲ့ဒေသန္တရကျန်းမာရေး လုပ်ငန်းများအပေါ်ဆိုးရွားသောသက်ရောက်မှုများ ရှိသဖြင့်မီးတောင်ကိုငြိမ်းသက်ရန်အစီအစဉ်များရှိခဲ့ပေမယ့်အကြောင်းအမျိုးမျိုးကြောင့်ဆက်လက်လောင်ကျွမ်းနေခဲ့ကြောင်းသိရပါတယ်။ကမ္ဘာပေါ်တွင်ဆဌမအကြီးဆုံးဓာတ်ငွေ့သိုက်ကြီးဟုတင်စားရသော Turkmenistan ရဲ့ထိုဒေသကြီးဟာစိမ်းစိုသောရှုခင်းများနဲ့ထူးခြားနေပါတယ်။ ထိုမီးညွှန့်မီးလျှံများတောက်လောင်နေသောမီးတောင်ကြီးဟာ မြင်ရသူတို့အဖို့သိပ္ပံစိတ်ကူးယဉ်ဇာတ်လမ်းအတွင်းရောက်ရှိသွားသကဲ့သို့ခံစားရစေနိုင်ပါတယ်