ဂျင်းနီဟာ မကြာသေးခင်က သူ့ရဲ့အင်စတာဂရမ်ကနေတစ်ဆင့် အမေရိကရောက်နေကြောင်းစတိုရီတစ်ခုတင်လာခဲ့ပါတယ်။ တင်ပြီးသိပ်မကြာခင်မှာ ပြန်ဖျက်လိုက်ပေမဲ့ မျက်စိလျင်တဲ့ပရိတ်သတ်တွေကတော့ ဂျင်းနီအနေနှင့်တစ်ကိုယ်တော်သီချင်းခွေထုတ်ဖို့အတွက် အမေရိကကိုရောက်နေတာဖြစ်ကြောင်းရိပ်မိသွားကြပါတယ်။

အကြောင်းကတော့ ဂျင်းနီတင်ထားတဲ့ပုံဟာ ကယ်လီဖိုးနီးယားမှာရှိတဲ့နာမည်ကြီးစတူဒီယိုတစ်ခုဖြစ်ပြီးတော့ ပုံထဲမှာပါဝင်တဲ့ James Fauntleroy ဆိုတဲ့သူကလည်းနာမည်ကြီးတေးရေးဖြစ်နေတာကြောင့်ပါ။ James လို့ခေါ်တဲ့ ဒီသီချင်းရေးသူဟာနာမည်ကြီးအဆိုတော်တွေအများကြီးအတွက်သီချင်းရေးပေးဖူးတဲ့သူပါ။ 

James  ကိုယ်တိုင်ကလည်း သူ့ရဲ့အင်စတာဂရမ်ကနေ Studio ကိုရောက်နေကြောင်းပုံထပ်တင်လိုက်တာမို့ ပရိတ်သတ်တွေရဲ့ယူဆချက်ဟာမှန်ကန်ဖို့များပါတယ်။ တစ်ကယ်လို့ Jennie အနေနှင့်တစ်ကိုယ်တော်အယ်လ်ဘမ်ထွက်လာမယ်ဆိုရင်တော့ Y
G ကနေထွက်ပြီးနောက်ပိုင်း ကိုယ်ပိုင်ကုမ္မဏီလက်အောက်ကနေထွက်လာမယ့်ပထမဆုံးအယ်လ်ဘမ်ဖြစ်လာမှာပါ။