PSY ရဲ့  Gsngnam Style သီချင်းဟာ ၂၀၁၂ တုန်းက ထွက်ရှိခဲ့တဲ့သီချင်းတစ်ပုဒ်ပါ။ စတင်ထွက်ရှိကတည်းက တောင်ကိုးရီးယားနိုင်ငံတွင်းမှာတင်မကဘဲ နိုင်ငံတကာမှာပါအတော်လေးပေါက်ခဲ့တဲ့သီချင်းပါ။ သီချင်းစာသားနှင့်သံစဥ်တွေဟာ နှစ်ပေါင်း ၁၀ နှစ်ကျော်ကြာမြင့်နေပေမဲ့ အခုချိန်ထိလူတွေရဲ့သည်းခြေကြိုက်သီချင်းဖြစ်နေဆဲပဲဖြစ်ပါတယ်။

PSY ရဲ့ အသက် ၄၆ နှစ်ပြည့်မွေးနေ့မရောက်ခင် တစ်ရက်အလိုမှာတင် ဂန်းနမ်စတိုင်သီချင်းဟာ ကြည့်ရှုသူ ငါးဘီလီယံ နီးပါးရှိသွားခဲ့ပြီဖြစ်ပါတယ်။ ဒီမှတ်တမ်းဟာ တောင်ကိုးရီးယားကေပေါ့လောကတစ်ခုလုံးမှာ ပထမဆုံး ငါးဘီလီယံပြည့်တဲ့ သီချင်းဗီဒီယိုအဖြစ်ရပ်တည်နိုင်တာပါ။

ဒုတိယလူကြည့်အများဆုံးသီချင်းကတော့ ကမ္ဘာကျော်အိုင်ဒေါအဖွဲ့ BlackPink ရဲ့  Ddu_du_Ddu_du ဆိုတဲ့သီချင်းက ကြည့်ရှုသူ နှစ်ဘီလီယံကျော်ရရှိထားပြီး နေရာယူထားတာဖြစ်ပါတယ်။