အာရှမှာတင်မကဘဲ တစ်ကမ္ဘာလုံးအတိုင်းအတာနှင့်ကျော်ကြားတဲ့ BlackPink အဖွဲ့ဟာ လက်ရှိအေဂျင်စီဖြစ်တဲ့ YG နှင့်စာချုပ်သက်တမ်းအသစ်တိုးဖို့ဆွေးနွေးနေတာဖြစ်ပါတယ်။ ဆွေးနွေးမှုနှင့်ပတ်သက်တဲ့ သတင်းတွေအမျိုးမျိုးထွက်ခဲ့ပေမဲ့ YG ဖက်ကနေပြီး အတည်မပြုခဲ့ဖူးပါဘူး။
ဒီနေ့မှာတော့ YG ဖက်ကနေပြီးတော့ စာချုပ်အသစ်ချုပ်ဆိုတဲ့သတင်းကိုအတည်ပြုကြောင်း ထုတ်ပြန်လာခဲ့ပါတယ်။ ဒီစာချုပ်ဟာ BlackPink အဖွဲ့ရဲ့ အဖွဲ့လိုက်လှုပ်ရှားမှုတွေအတွက်ဖြစ်ပြီး နှစ်ကာလနှင့်စာချုပ်အကြောင်းအရာတွေကိုတော့ ဖော်ပြထားခြင်းမရှိပါဘူး။
အဖွဲ့ဝင်တစ်ဦးချင်းစီရဲ့ တစ်ကိုယ်တော်လှုပ်ရှားမှုတွေအတွက်တော့ လက်ရှိအချိန်ထိဆွေးနွေးနေဆဲအခြေအနေဖြစ်ပါတယ်။ စာချုပ်သက်တမ်းတိုးဖို့အချိန်ကြာနေတာကြောင့် စိတ်ပူနေခဲ့ရတဲ့ BlackPink ပရိတ်သတ်တွေအတွက်တော့ ဒီသတင်းဟာသတင်းကောင်းဖြစ်နေမှာပါ။
Bong I.T