ရောမမြို့ဆိုတာနဲ့ ရှေးဟောင်းသမိုင်းဝင်အမွှေအနှစ်တွေရှိနေတဲ့ နေရာတစ်ခုလို့သိကြမယ်ထင်ပါတယ်။ ရောမ မြို့ ရဲ့ Hercules Victorဆိုတဲ့ ဘုရားကျောင်းမှာထူးခြားတဲ့ကျောက်မျက်နှာဖုံးကြီးတစ်ခုရှိပါတယ်။ Mouth of Truth လို့အမည်ရတဲ့ဒီကျောက်မျက်နှာဖုံးကြီးဟာ စကျင်ကျောက်နဲ့ပြုလုပ်ထားတာပဲဖြစ်ပါတယ်
အလေးချိန်အားဖြင့် ပေါင် ၂၈၀၀ ကျော်လေးပြီး အချို့က ပင်လယ်နတ်ဘုရား Oceanus ရဲ့မျက်နှာကို ပုံဖော်ထားတယ် လို့ယူဆကြပါတယ်။ လူအချို့ကတော့ ကုန်သည်တွေဟာ Hercules ကို ပူဇော်ဖို့ ကျွဲနွားများကိုသတ်ပြီး သွေးများ အညစ်အကြေးများ စွန့်ထုတ်ရန်ပိုက်လုံးအဖြစ်အသုံးပြုခဲ့တယ်လို့လဲဆိုကြပြန်ပါတယ်
နှစ်ပေါင်း2000 ကျော်သက်တမ်း ရှိနေတဲ့ဒီမျက်နှာဖုံးကြီးဟာ ၁၉၅၃ ခုနှစ်မှာ ရိုက်ကူးခဲ့တဲ့ Roman Holidayဆိုတဲ့ ရုပ်ရှင်ကားမှာပါဝင်ခဲ့ပြီးနောက်လူသိပိုများလားရပါတယ်။ ရိုးသားမှုမရှိပဲ လိမ်ညာပြောဆိုတဲ့သူတွေဟာ သူတို့ ရဲ့လက်ကို ကျောက်မျက်နှာဖုံးရဲ့ ပါစပ်ထဲမှာ ထည့်မိ ရင်တော့ အကိုက်ခံရတယ် ဆိုတဲ့ပြောစကား တွေကလည်း လူတွေကို ပိုစိတ်ဝင်စားစရာဖြစ်စေ ပါတယ်။ ထိုအချက်ကပဲ ခရီးသွားတွေကို ဆွဲဆောင်နေပြီး မြင်သူတိုင်းကို ကျောက်ပါးစပ်ထဲလက်ထည့်ချင်လောက်အောင်အထိကို ဆွဲဆောင်နိုင်တယ်လို့သိရပါတယ်