သားပိုက်ကောင်ဆိုတာနဲ့ မြေပြင်မှာပြေးလွှားဆော့ကစားနေတဲ့ ချစ်စရာအကောင်လေးတွေ မျက်စိထဲပြေးမြင် ကြမယ်ထင်ပါတယ်။နယူးဂီနီ နဲ့ ဩစတေးလျ နိုင်ငံ အရှေ့မြောက်ဘက်စွန်းဒေသအတွင်းရှိ အပူပိုင် မိုးသစ်တောအချို့မှာတွေရတဲ့ Tree-kangaroos လို့ခေါ်တဲ့ သားပိုက်ကောင်တွေကတော့ သစ်ပင်ပေါ်မှာနေတဲ့ သားပိုက်ကောင် အမျိုးအစားများတွေပဲဖြစ်ကြပါတယ်

၁၉၉၀ခုနှစ် နယူးဂီနီနိုင်ငံမှာ တွေ့ရှိခဲ့ရတဲ့ ဒီမျိုးစိတ်ဟာ ပုံမှန်သားပိုက်ကောင်များထက် အရွယ် အစား အနည်းငယ် တုတ်ခိုင်ပါတယ်။ သစ်ပင်မှာနေထိုင်ကျက်စားသောအမျိုးအစားများဖြစ်သည်နဲ့အညီ ရှည်လျှားပြီး ကွေးနေတဲ့ လက်သဲ တွေကိုလည်းပိုင်ဆိုင်ထားပါသေးတယ်။ ရှည်လျှားတဲ့ အမြှီးတွေကို ပိုင်ဆိုင်ထားပြီး အထီး တွေဟာ အမတွေထက်အရွယ်အစားပိုကြီးတာကို လည်းတွေ့ရပါတယ်

Tree-kangaroos တွေဟာ အသီးအရွက်ကို အဓိက စားသုံးပါတယ်။ အဓီကအားဖြင့် အသီးအနှံတွေ၊ ပန်းတွေ ၊ အစေ့အဆန်တွေကိုအဓိကစားသုံးပြီး ရန်ဖန်ရန်ခါမှာတော့ ငှက်တွေ၊ ဥတွေနဲ့မြွေတွေကို လည်းစားသုံးပါတယ်။ စိုက်ပျိုးမြေ ချဲ့ထွင်ခြင်းတွေနဲ့ လူတွေရဲ့အမဲလိုက်ခြင်းတွေဟာ ဒီသားပိုက်ကောင်တွေကိုမျိုးသုဉ်းစေနိုင်တဲ့ အဓိကအချက်တွေဖြစ်ပြီ ကမ္ဘာမှာ အရေအတွက်အနည်းငယ်သာကျန်ရှိတော့တဲ့ မျိုးစိတ်တွေဆိုလဲမမှားပါဘူး