BTS နှင့် BlackPink အဖွဲ့တို့ဟာ ကေပေါ့ကိုနိုင်ငံတကာထိအောင်မြင်စေခဲ့ကြတဲ့သူတွေဖြစ်ကြတဲ့အပြင် ကြီးမားတဲ့လွှမ်းမိုးမှုကိုယ်စီရှိကြသူတွေပါ။ နှစ်ဖွဲ့လုံးရဲ့ပရိတ်သတ်တွေက ပြိုင်ဆိုင်မှုတွေကြောင့် မတည့်တာတွေရှိတတ်ပေမဲ့ အိုင်ဒေါဖြစ်သူတွေကတော့ အချင်းချင်းလေးစားမှုရှိပြီး ခင်မင်မှုလည်းရှိကြပါတယ်။

V နှင့် Lisa တို့ဟာ မကြာခဏ ဖက်ရှင်ပွဲတွေမှာအတူတွဲတွေ့ရပြီးတော့ ပုံတွေပါအတူတွဲရိုက်တဲ့အထိရင်းနှီးကြပါတယ်။ ဒါ့အပြင် Jisoo နှင့် V ကလည်း သက်တူရွယ်တူဖြစ်ပြီး Music Bank မှာ MC အတူလုပ်ဖူးတာကြောင့်ရင်းနှီးကြမယ်လို့ယူဆနိုင်ပါတယ်။

ဒါ့အပြင် မကြာသေးခင်က ဖျော်ဖြေပွဲတစ်ခုမှာလည်း RM နှင့် Jennie ဟာအတူတက်ရောက်ပြီးတော့ ဖျော်ဖြေသူနှင့်အသီးသီးဓာတ်ပုံတွေရိုက်ခဲ့ကြတာကြောင့် နှစ်ယောက်သားခင်မင်နေနိုင်တယ်လို့ယူဆထားကြပါတယ်။

Jennie ရဲ့  CK ပွဲနေ့တုန်းကလည်း JungKook ကိုယ်တိုင်ပွဲလာတက်ပြီးတော့ စကားပြောကြတာကို ပရိတ်သတ်တွေက တွေ့ခဲ့ရပါတယ်။  BTS နှင့် BlackPink တို့နှစ်ဖွဲ့လုံးဟာခင်မင်မှုတွေရှိနေကြပေမဲ့ ပရိတ်သတ်တွေရဲ့အားပြိုင်မှုနှင့် ကုမ္မဏီမတူတာစတဲ့အကြောင်းအရာတွေကြောင့် Public မှာရင်းနှီးဟန်မပြကြတာဖြစ်နိုင်တယ်လို့ Netizens တွေကယူဆထားကြပါတယ်။