ကမ္ဘာ့တတိယ အကြီးဆုံးလင်းနို့အဖြစ် သတ်မှတ်ခြင်းခံထားရတဲ့ အဆိုပါ လင်းနို့တွေရဲ့ သွင်ပြင်က တစ်မူထူးခြားနေပါတယ်။ တူခေါင်းပုံစံ ဉီးခေါင်းရှိတာကြောင့် တူခေါင်းလင်းနို့လို့လဲ ခေါ်ဆိုကြပြီး အလျား ၁ မီတာ (၃.၃ ပေ) ဝန်းကျင်ရှိတဲ့ အတောင်တွေ ပါရှိကြပါတယ်။

တူခေါင်းလင်းနို့တွေကို လေ့လာဖို့အတွက် ပညာရှင်တွေက GPS တွေ တပ်ဆင်ပေးလိုက်လေ့ရှိပါတယ်။ ၎င်းအာဖရိက လင်းနို့တွေက တစ်နှစ်မှာ တစ်ကြိမ်ကနေ အများဆုံး နှစ်ကြိမ်ထိပဲ သားပေါက်ကြပြီး များသောအားဖြင့် လင်းနို့အမွှာတွေကို မွေးဖွားကြတဲ့ မျိုးစိတ်ဖြစ်ပါတယ်။

အသီးအနှံ စားသောက်ခြင်းကနေ အဓိက အစာအာဟာရကို ရရှိကြပါတယ်။ မိတ်လိုက်တဲ့အခါမျိုးမှာ အသံတစ်မျိုး ထုတ်လွှတ်ပြီး လင်းနို့အမတွေကို ဆွဲဆောင်ပါတယ်။ တူခေါင်းလင်းနို့တွေရဲ့ အသံအိုး ကြီးမားလွန်းတာကြောင့် သူတို့ရဲ့  နှလုံး၊ အဆုတ်၊ အစာအိမ် နဲ့ အူလမ်းကြောင်းလိုမျိုး ခန္ဓာကိုယ်ထဲက အင်္ဂါအစိတ်အပိုင်းတွေကို ရွှေ့ပြောင်းစေနိုင်တာပဲ ဖြစ်ပါတယ်။

သတင်း အရင်းအမြစ်៖ hammer-headed-bat