BTS အဖွဲ့ရဲ့အငယ်ဆုံးအဖွဲ့ဝင်ဖြစ်တဲ့ JungKook ဟာမကြာသေးခင်က Suga ရဲ့ ရှိုးကိုထပ်ရောက်လာခဲ့ပါတယ်။ လက်ရှိအချိန်စစ်ထဲမှာတာဝန်ထမ်းဆောင်နေဆဲဖြစ်တဲ့ Suga ဟာသူစစ်မှုမထမ်းခင်ရိုက်ကူးထားတဲ့အပိုင်းတွေကို ပရိတ်သတ်တွေအတွက်ထားခဲ့တာဖြစ်ပါတယ်။

Jung Kook ဟာ ရှိုးကိုတစ်ခါလာဖူးတာကြောင့် ဒီတစ်ကြိမ်ဟာသူ့ရဲ့ဒုတိယအကြိမ်မြောက်လည်းဖြစ်ပါတယ်။ ဒီအပိုင်းမှာတော့ Jung Kook ဟာအစ်ကိုဖြစ်တဲ့ Suga ကိုဘယ်လောက်လေးစားကြောင်းနှင့် သူ့ရဲ့ပထမဆုံးအယ်လ်ဘမ် Golden အကြောင်းတွေကိုပြောပြသွားမှာပါ။

ဒါ့အပြင် Jung Kook ဟာသူ့ရဲ့ပရိတ်သတ်တွေအတွက်ထားတဲ့အချစ်တွေကိုလည်းဖော်ပြခဲ့ပါသေးတယ်။ တက်တူးထိုးရတာကိုကြိုက်တဲ့ Jung Kook ဟာသူ့ခန္တာကိုယ်ပေါ်မှာပထမဆုံးထိုးခဲ့တဲ့တက်တူးက ပရိတ်သတ်တွေရဲ့နာမည်ဖြစ်တဲ့ ARMY  ဖြစ်ကြောင်းဖော်ပြခဲ့တာပါ။ ARMY လေးတွေကတော့ တစ်ကယ်ကိုအချစ်ခံရတဲ့ပရိတ်သတ်လေးတွေပါပဲ။