Running Man မှ ဂျောင်ဆိုမင်းထွက်မည်

တောင်ကိုးရီးယားနိုင်ငံရဲ့နာမည်ကြီးရသစုံရှိုးတစ်ခုဖြစ်တဲ့ Running Man ဟာလက်ရှိအဖွဲ့ဝင် ခုနှစ်ယောက်နှင့်လည်ပတ်နေတဲ့ရှိုးတစ်ခုဖြစ်ပါတယ်။ ရှိုးရဲ့ အမြဲတမ်းအဖွဲ့ဝင်တွေဟာရှိုးတစ်လျှောက်လုံး ကာရိုက်တာအသီးသီးနှင့်ကြိုးစားခဲ့ကြတာပါ။ မူရင်းအဖွဲ့ဝင်တွေဖြစ်တဲ့ ဂယ်ရီနှင့် လီဂွမ်ဆူတို့ရဲ့နှုတ်ထွက်မှုဟာ ပရိတ်သတ်တွေကို ဝမ်းနည်းစေခဲ့ပါတယ်။

အခုတစ်ခေါက်မှာလည်း Running Man ရဲ့ပုံမှန်အဖွဲ့ဝင်ဖြစ်တဲ့ Jung So Min ဟာရှိုးကနေနှုတ်ထွက်တော့မှာဖြစ်ကြောင်း သူ့ရဲ့အေဂျင်စီကနေအတည်ပြုလာခဲ့တာပါ။ အေဂျင်စီရဲ့ထုတ်ပြန်ချက်အရ ဆိုမင်းဟာ ရှိုးကနေထွက်ခွာမယ့်ဆုံးဖြတ်ချက်ကို အဖွဲ့ဝင်တွေနှင့် ရိုက်ကူးရေးအဖွဲ့သားတွေနှင့်အများကြီးဆွေးနွေးခဲ့သလို အားလုံးဆီကကောင်းမွန်တဲ့အားပေးမှုတွေရခဲ့တယ်လို့ဆိုပါတယ်။

ခြောက်နှစ်တာ Running Man မှာပါဝင်ပြီးနောက်မှာ ပိုကောင်းမွန်တဲ့ So Min ကိုပြသနိုင်ဖို့အတွက်ခဏတာအနားယူဖို့လိုအပ်တာကြောင့် ဒီလိုထွက်ရခြင်းဖြစ်တယ်လို့ပြောပါတယ်။ Jung So Min ပါဝင်တဲ့နောက်ဆုံးအပိုင်းကိုတော့ အောက်တိုဘာလ ၃၀ ရက်နေ့မှာရိုက်ကူးသွားမှာဖြစ်ပါတယ်။