တရုတ်နိုင်ငံရဲ့ အထင်ရှားဆုံး ဂရိတ်ဝေါလို့ခေါ်တဲ့ မဟာတံတိုင်းကြီးကို အားလုံးသိကြမယ်လို့ ထင်ပါတယ်။ ရှေးဟောင်း သုသေသန စစ်တမ်းတစ်ခုရဲ့ တိုင်းတာချက်တွေအရ မိုင်ပေါင်း ၅,၅၀၀ ရှည်လျားတယ်လို့ ဖော်ပြထားပြီး နောက်ထပ် စစ်တမ်းတခုရဲ့ ဖော်ပြချက်မှာ ဘေးဘက်ကို ဖြာထွက်သွားတဲ့ တံတိုင်းတွေပါ ပေါင်းရင် စုစုပေါင်း မိုင်ပေါင်း ၁၃၁၇၀ ရှိတယ်လို့ ဆိုပါတယ်။
တံတိုင်းရဲ့ အမြင့်ကတော့ အနိမ့်ဆုံးနေရာမှာ ၁၅ ပေကနေ အမြင့်ဆုံးနေရာမှာ ပေ ၅၀ လောက်အထိရှိပါတယ်။ တံတိုင်းကြီးရဲ့ ထိပ်မှာဆိုလည်း ၁၅ ပေကနေ ပေ ၃၀ လောက်အထိကျယ်ပါတယ်။
ဒါကြောင့် တံတိုင်းကြီးရဲ့ ဒီဘက်ထိပ်နှင့် ဟိုဘက်ထိပ်ကို ခြေလျင်လျှောက်ဖို့ဆိုတာကတော့ လွယ်ကူတဲ့အလုပ်တော့ မဟုတ်ပါဘူး။ တချို့သူတွေက မဟာတံတိုင်းကြီးကို ဘယ်နှစ်ရက်လောက် လမ်းလျှောက်ရမလဲလို့ မေးကြတယ်။
အတိအကျပြောရလျှင် တံတိုင်းကြီးအဆုံးကို ရောက်ဖို့ အနည်းဆုံး ၁၇ လကြာမြင့်ပါတယ်။ အချို့လွယ်လွယ်ကူကူ လမ်းလျှောက်လို့ အဆင်ပြေတဲ့နေရာမျိုးတွေဆိုရင် လူတစ်ယောက်ကို တစ်နေ့လျှင် ကီလိုမီတာ ၃၀ မှ ၄၀ လမ်းလျှောက်နိုင်ပါတယ်။ ဒါပေမယ့် အလွန်မြင့်မားပြီး မတ်စောက်တဲ့နေရာမျိုးတွေရောက်ရင်တော့ အဲ့ဒီထက် အချိန်ပိုကြာသွားမှာ ဖြစ်ပါတယ်။
ဒါကြောင့် တစ်နေ့လျှင် ပျမ်းမျှအမြန်နှုန်းဟာ ကီလိုမီတာ ၂၀ ခန့်သာရှိနိုင်ပြီး တစ်ရက်လျှင် လူတစ်ဦးဟာ မဟာတံတိုင်းကို ၈ နာရီမှ ၁၀ နာရီအထိသာ လမ်းလျှောက်နိုင်မှာ ဖြစ်ပါတယ်။ မဟာတံတိုင်းကြီးတစ်ခုလုံးကို လမ်းလျှောက်မယ်ဆိုရင် သီအိုရီအရ ၄၄၂ ရက် လိုအပ်မှာပါ။ ဒါ့အပြင် တစ်ပတ်လျှင် တစ်ရက် အနားယူပါက တံတိုင်းအဆုံးထိ လျှောက်မည်ဆိုပါက ၁၇ လ ကြာမြင့်မှာ ဖြစ်ပါတယ်။
သတင်း အရင်းအမြစ်៖ Source- Ef
Bong I.T