ခရီးသွားတဲ့ရာသီရောက်တော့မှာဆိုတော့ ခရီးသွားရင်းပုံလှလှလေးတွေရိုက်ဖို့ဆန္ဒရှိတဲ့မိန်းကလေးတွေအတွက် ပို့စ်လှလှလေးတွေကိုဖော်ပြပေးလိုက်ပါတယ်။

ပန်းလေးတွေရှိတဲ့နားကိုရောက်ရင် ပန်းပန်တာ ဒါမှမဟုတ် ပန်းလေးတွေကိုင်တဲ့ပို့စ်လေးတွေလုပ်လို့ရပါတယ်။ ပန်းပွင့်တွေကိုနောက်ခံထားပြီးရိုက်တဲ့ ပုံလေးတွေဟာခရီးစဥ်တစ်ခုအတွက်အကြီးမားဆုံးအမှတ်တရဓာတ်ပုံလေးတွေဖြစ်လာနိုင်ပါတယ်။

ခရီးထွက်တဲ့မြို့ရဲ့လမ်းမကြီးပေါ်မှာ လွတ်လွတ်လပ်လပ်ပို့စ်ပေးထားတဲ့ပုံလေးကလည်း မရှိမဖြစ်ပါပဲ။ လူပုံထက် လမ်းမကြီးနှင့် ရှူခင်းအသားပေးတဲ့ဒီလိုပို့စ်တွေက ဆိုရှယ်မီဒီယာမှာတင်ဖို့အတွက်လည်းအကောင်းဆုံးပုံတွေဖြစ်ပါတယ်။

ကိုယ်ခရီးထွက်တဲ့နေရာမှာ ဓာတ်ပုံရိုက်ဖို့နေရာလှလှလေးမရှိဘူးဆိုရင်တောင် တံခါးတစ်ခုတော့သေချာပေါက်ရှိနေမှာပါ။ တံခါးရှေ့မှာထိုင်တာ မတ်တပ်ရပ်တာမျိုးလုပ်ပြီး ခရီးသွားဓာတ်ပုံအမိုက်စားလေးတွေရိုက်ကူးလို့ရပါတယ်။

လေယာဥ်နှင့်သွားရတဲ့ခရီးတွေဆိုရင် ဒီလိုခရီးဆောင်အိတ်နှင့်ပုံလေးတွေက မရိုက်မဖြစ်ပုံလေးတွေပါပဲ။ မှတ်တမ်းတစ်ခုအနေနှင့် သိမ်းထားနိုင်တဲ့ပုံလေးတွေဖြစ်သလို အမှတ်တရဖြစ်တဲ့ပုံလေးတွေဖြစ်ပါတယ်။

နောက်ကျောဖက်ကိုပဲ ဖော်ပြတဲ့ဒီလိုပို့စ်တွေကလည်း ခရီးတစ်ခုအတွင်းမှာရိုက်သင့်တဲ့ ပို့စ်တွေပါ။ ကမ်းခြေနှင့်တောင်ပေါ်တွေမှာဆိုရင် ပိုလှတဲ့ပုံတွေရနိုင်ပြီးတော့ မထင်ထားလောက်တဲ့သဘာဝတရားအလှတွေကိုပါ ပုံထဲမှာထည့်သိမ်းထားနိုင်ပါတယ်။

Phtotos from Pinterest