ကြက်ဟင်းခါးသီးက အခါးဓာတ်ပမာဏများတာကြောင့် ကြိုက်ကြတဲ့သူ နည်းပါတယ်။ ကြက်ဟင်းသီးကို စားချင်ပေမယ့် ခါးမှာလည်းကြောက်တဲ့ သူတွေအတွက် ဒီတစ်ခါမှာ အခါးသက်သာအောင် ဘယ်လိုကြော်ချက်ရမလဲဆိုတာကို မျှဝေသွားမှာ ဖြစ်ပါတယ်။
ကြက်ဟင်းခါးသီးကို မခါးအောင် ကြော်မယ်ဆိုရင် အရင်ဦးဆုံး ကြက်ဟင်းခါးသီးကို ခပ်ပါးပါးလေးတွေလှီးကာ ဆားနှင့် နယ်ပြီး ၁၅ မိနစ်လောက် နှပ်ပေးထားရပါမယ်။ ထို့နောက် နှပ်ထားတဲ့ ကြက်ဟင်းခါးသီးတွေကို ရေ ၅ ခါ ၊ ၆ ခါ လောက် ဆေးကြောပြီး အရေမကျန်အောင်ညှစ်ထုတ်ပါ။
ကြက်ဟင်းခါးသီး မကြော်ခင်မှာ လိုအပ်တဲ့ ကြက်သွန်(ဖြူ/နီ) တို့ကို ထောင်းထားပြီး အရသာပိုရှိအောင် ပုစွန်ခြောက်ကို ရေစိမ်ပေးထားရပါမယ်။ စပြီးကြော်တော့မယ်ဆိုရင် ကြက်သွန်(ဖြူ/နီ) တို့ကို ဆီခပ်များများနှင့် ဆီသတ်ပြီး ပုစွန်ခြောက်နှင့် ကြက်ဟင်းခါးသီးကိုထည့် ကြော်ပေးပါ။
သတိထားရမှာက ကြက်ဟင်းခါးသီးကို ဆီနှင့်ပဲ အိသွားအောင် ကြော်ရမှာပါ။ ရေထည့်မကြော်ရန် မလိုပါ။
ကြက်ဟင်းခါးသီးကို ဆီနှင့်ပဲ ကြော်ပြီး နူးအိလာပြီဆိုရင်တော့ အိုးချလို့ရပါပြီ။ ကဲ… ဒါဆိုရင် အရမ်းကြီးမခါးတဲ့ နူးနူးအိအိ အရသာရှိတဲ့ ကြက်ဟင်းခါးသီးဟင်းတစ်ခွက်ကို စားသုံးလို့ရပါပြီနော်….။
သတင်း အရင်းအမြစ်៖ Source – ZinGyi
Bong I.T