BTS အဖွဲ့ရဲ့ဆယ်နှစ်ပြည့်အမှတ်တရအနေနှင့်ထွက်ရှိလာတဲ့ Beyond the Story; 10 Years Records of BTS ဆိုတဲ့စာအုပ်ဟာ အဖွဲ့ဝင်တွေရဲ့ ဆယ်နှစ်တာဖြတ်သန်းမှုနှင့် အတွေ့အကြုံတွေကိုရေးသားထားတာဖြစ်ပါတယ်။ ဒီစာအုပ်ဟာထွက်ရှိပြီးမကြာခင်မှာပဲ အာရုံစိုက်မှုတွေအများကြီးရပြီး ရေပန်းအစားဆုံးစာအုပ်တစ်အုပ်ဖြစ်လာခဲ့တာဖြစ်ပါတယ်။

စာအုပ်ထဲမှာ အဖွဲ့ဝင်တွေက သူတို့မအောင်မြင်ခင်ကာလတွေက အနှိမ်ခံခဲ့ရတဲ့အကြောင်းတွေကိုပါထည့်သွင်းဖော်ပြလာတာဖြစ်ပါတယ်။ BTS အဖွဲ့ဝင် J-Hope က Danger သီချင်းကို ပရိုမိုးရှင်းလုပ်နေချိန်မှာ ရှိုးတွေမှာသူတို့ကြိုးကြိုးစားစားလုပ်နေခဲ့ပေမဲ့ ဆုရမယ့်ဆန်ကာတင်စာရင်းမှာတောင်မပါခဲ့ကြောင်း ဖော်ပြလာတာဖြစ်ပါတယ်။

V ကလည်း အဲ့ဒီအချိန်တုန်းက သူတို့အနေနှင့် တစ်ခြားအဖွဲ့တွေကို လိုက်ပြီးနှုတ်ဆက်တာလုပ်လေ့ရှိပေမဲ့ သူတို့ကိုဥပေက္ခာပြုထားပြီး မမြင်ချင်ယောင်ဆောင်ကြတဲ့သူတွေအများကြီးရှိကြောင်းပါပြောပြလာခဲ့တာဖြစ်ပါတယ်။ ပရိတ်သတ်တွေကတော့ BTS အဖွဲ့ရဲ့ခက်ခဲခဲ့တဲ့အတိတ်ကိုသိရပြီးနောက်မှာ သူတို့ရဲ့အခုရနေတဲ့အောင်မြင်မှုကိုပိုချီးကျူးခဲ့ကြသလို ပိုပြီးလည်းလေးစားမိကြောင်းတွေပြောခဲ့ကြပါတယ်။

 #BTS #10thAnniversary #BeyondtheStory;10YearsRecordsofBTS