နွားလို့ပြောလိုက်ရင် လယ်ယာစိုက်ပျိုးရေးအတွက်အသုံးပြုတဲ့ တိရိစ္ဆာန်ပဲဖြစ်ပါတယ်။ ဘာလို့နွားတွေက မြက်စားကြတာလဲ ။မြက်ပင်ကနေဘယ်လိုမျိုး ကောင်းကျိုးတွေရရှိနေလဲဆိုတာကို ပညာရှင်တွေက သုတေသနပြုထားကြပါတယ်။
အဓိကအစားအစာက မြက်ဖြစ်ပြီးတော့ ဒီလိုအပင်တွေက နွားတွေအတွက် အစာချေစနစ်ကိုကောင်းမွန်စေပါတယ်။ နွားတွေက စားမြုံ့ပြန်နိုင်တဲ့ တိရစ္ဆာန်တွေဖြစ်ပြီး အစာအိမ် ၄ ခုပါရှိပါတယ်။ မြက်လိုအပင်မျိုးက ကာဗိုဟိုက်ဒရိုက်၊ အမျှင်ဓာတ်၊ ပရိုတင်းနဲ့ ဗီတာမင်ဓာတ်၊ သတ္တုဓာတ်တွေပါ၀င်လို့ နွားတွေအတွက် အတော်အထောက်ကူပြုတဲ့ အပင်ပါ။
မြက်ပင်တွေက ဒေသတိုင်းမှာ ရှင်သန်ကြပြီး လုံလုံလောက်လောက်ရရှိနိုင်တဲ့ အရင်းမြစ်တစ်ခုဖြစ်ပါတယ်။ စရိတ်လဲ သက်သာပြီး သဘာ၀အတိုင်း ကျက်စားနိုင်တာမို့ စိုက်ပျိုးရေးလုပ်သူတွေအတွက်လဲ အဆင်ပြေစေပါတယ်။မြက်ပင်က နွားတွေအတွက် အဓိကအစားအစာဆိုပေမယ့် အာဟာရလိုအပ်ချက်ပေါ်မူတည်ပြီးတော့ အခြားအစားအစာတွေ၊ မြက်ခြောက်နဲ့ ဖြည့်စွက်စာတွေကိုလဲ ကျွေးကြပါတယ်။
မြက်စားနွားတွေမှရရှိတဲ့ နွားနို့ဟာ ကယ်ဆီယမ်၊ ဖော့စဖောရပ်၊ ပိုတက်ဆီယမ်၊ ပရိုတိန်း၊ ဗီတာမင် အစရှိတဲ့ အစွမ်းထက်အာဟာရတွေပါ၀င်ပါတယ်။ လူသားများအတွက် နွားနို့ဟာ အရိုးကျန်းမာရေးကောင်းမွန်စေပါတယ်။ ဒါကြောင့် နယူးဇီလန်နိုင်ငံမှာဆိုရင် အနောက်ဘက်ကမ်းရိုးတန်းတစ်လျှောက် နွားများကိုလွတ်လပ်စွာ ကျက်စားခွင့်ပြုထားပါတယ်။ နွားတွေအတွက်လဲ မြက်က အစာချေစနစ်ကို အမှန်တစ်ကယ်အထောက်အကူပြုတဲ့ အစွမ်းထက် အပင်တစ်မျိုးပဲဖြစ်ပါတယ်။
သတင်း အရင်းအမြစ်៖ thedairyalliance
Bong I.T