မြွေမျိုးစိတ်အများကြီးထဲမှာ Burmese Python လို့ခေါ်တဲ့ မြန်မာ့စပါးကြီးမြွေတွေဟာ အရွယ်အစားကြီးမားတာနှင့် သူတို့ရဲ့နေထိုင်ပုံတွေကြောင့်နာမည်ကြီးတဲ့တိရိစ္ဆာန်တွေဖြစ်ပါတယ်။ ဒီမြွေကြီးတွေဟာ ကမ္ဘာ့အကြီးဆုံးမြွေမျိုးစိတ်တွေထဲမှာ ပါဝင်ပါတယ်။ အရွယ်ရောက်မြွေတစ်ကောင်ဟာ ပျမ်းမျှ (၁၂) ပေအထိရှည်လျားနိုင်ပြီးတော့ အကြီးဆုံးအရွယ်အစားအဖြစ် (၂၃) ပေအထိရှည်လျားနိုင်ပါတယ်။

စပါးကြီးမြွေဟာ အသက် (၂၀) ကျော်အထိရှင်သန်နိုင်ပေမဲ့ မှတ်တမ်းတွေအရ (၂၈) အထိရှင်သန်တဲ့အကောင်တွေလည်းရှိခဲ့ဖူးပါတယ်။ သူတို့ဟာအဆိပ်မရှိတဲ့မြွေမျိုးစိတ်ဖြစ်ပေမဲ့ ကြီးမားသန်မာတဲ့ခန္တာကိုယ်နှင့် သားကောင်ကိုရစ်ပတ်တာ ဒါမှမဟုတ် တစ်ကိုယ်လုံးကိုမျိုချတာတွေလုပ်လေ့ရှိပါတယ်။ အများအားဖြင့် စပါးကြီးတွေဟာရေနှင့်နီးစပ်တဲ့နေရာတွေမှာနေထိုင်ပြီးတော့ နွေဦးကာလမှာပဲမိတ်လိုက်လေ့ရှိပါတယ်။ 

ဒီမြွေတွေဟာအာရှနှင့်အရှေ့တောင်အာရှမျိုးရင်းတွေဖြစ်ပြီး တစ်ခြားနေရာဒေသတွေမှာဆိုရင် မျိုးရင်းတိရိစ္တာန်တွေကိုအများကြီးဒုက္ခပေးနိုင်တဲ့အကောင်တွေဖြစ်ပါတယ်။ ဒါကြောင့် အမေရိကန်နိုင်ငံ ဖလော်ရီဒါပြည်နယ်တောအုပ်တွေထဲမှာ ကျုးကျော်မျိုးစိတ်ဖြစ်နေတဲ့ မြန်မာ့စပါးကြီးမြွေဖမ်းပွဲတွေကို ကျင်းပပြီးဒေသခံမျိုးရင်းတွေကို ကာကွယ်နေကြတာဖြစ်ပါတယ်။ 

သတင်း အရင်းအမြစ်៖ www.folly-farm.co