ဩစတေးလျရဲ့ အထူးခြားဆုံး ရေကန်လို့ ပြောရမယ်ဆိုရင် ကမ္ဘာလှည့်ခရီးသွားတွေ့ကို ဆွဲဆောင်ထားတဲ့ Lake Hillier ပန်းရောင်အိုင်ကြီးဖြစ်ပါတယ်။ ဒီပန်းရောင်အိုင်ကြီးက အနောက်ဩစတေးလျရှိ Middle ကျွန်းမှာ တည်ရှိတာပါ။ ဒီအိုင်ကြီးရဲ့ ထူးခြားတဲ့ ပန်းရောင်ဖြစ်ပေါ်မှု အကြောင်းအရင်းကို သေချာမသိရပေသေးပေမယ့် သိပ္ပံပညာရှင်တွေကတော့ Dunaliella salina လို့ခေါ်တဲ့ ရေညှိတစ်မျိုးရှိနေတာကြောင့်လို့ ယုံကြည်ကြပါတယ်။

အဲ့ဒီရေညှိတွေဟာ ရေကို ပန်းရောင် (သို့မဟုတ်) နီတဲ့အရောင်ကို ဖြစ်ပေါ်စေတဲ့ သဘာဝအရောင်ခြယ်ပစ္စည်းများဖြစ်သည့် ကာရိုတင်းနွိုက်များကို ထုတ်လုပ်ကြပါတယ်။ ဒါကြောင့် ရေကို လှပတဲ့ ပန်းရောင်ဖြစ်စေတာလို့ ဆိုပါတယ်။ ဒါပေမယ့် အချို့နေရာတွေမှာ ဆားပါဝင်မှု မြင့်မားနေတာဖြစ်လို့ တစ်ခါတလေ  အရောင်ဖျော့တော့တော့ ဖြစ်သွားပါတယ်။

ယခုနောက်ပိုင်းမှာတော့ Lake Hillier ပန်းရောင်အိုင်ကြီးဟာ ကမ္ဘာလှည့် ခရီးသွားတွေကို ဆွဲဆောင်တဲ့ နေရာတစ်ခုဖြစ်နေပေမယ့် ဒီအိုင်ကြီးဟာ ပုဂ္ဂလိပိုင်ကျွန်းပေါ်မှာ တည်ရှိတာကြောင့် လာရောက်လည်ပတ်တဲ့ ခရီးသွားတွေအတွက် ကန့်သတ်ချက်အချို့တော့ ရှိနေခဲ့ပါတယ်။ မည်သို့ပင်စေကာမူ ဒီပန်းရောင် အိုင်ကြီးဟာ ကမ္ဘာပေါ်မှာ အလှဆုံးအိုင်ကြီးဆိုတာ သေချာပါတယ်။

သတင်း အရင်းအမြစ်៖ Source - trip