ဖွတ်မျိုးနွယ်ဝင်တွေဖြစ်တဲ့ အပြာရောင်လျှာနဲ့ ရေခြောက်ကောင်တွေကို အိမ်မွေးတိရိစ္ဆာန်အဖြစ် အများအပြားမွေးမြူလာကြပါတယ်။ မွေးမြူသူတွေရဲ့ပြောကြားချက်အရ အပြာရောင်လျှာရှိတဲ့ရေခြောက်ကောင်တွေဟာ ဉာဏ်ကောင်းပြီး လူတွေနဲ့ အပြန်အလှန်ဆက်ဆံနိုင်တဲ့ ဉာဏ်ရည်ဉာဏ်သွေးရှိတယ်လို့ သိရပါတယ်။

သူတို့ကို ဩစတေးလျ၊ နယူးဂီနီနှင့် အင်ဒိုနီးရှားနိုင်ငံတွေမှာ တွေ့ရပါတယ်။ သူတို့ရဲ့နှာမောင်း သို့မဟုတ် ခြေလက်တွေနဲ့ တွင်းတူးပြီး နေထိုင်ကြသလို မြွေတွေစွန့်ပစ်ထားတဲ့ တွင်းဟောင်းတွေကိုလည်း ရှာဖွေနေထိုင်တတ်ကြပါတယ်။ သူတို့ရဲ့ပုံစံဟာ ခြေထောက်ပါတဲ့မြွေတွေနဲ့ တူနေပါတယ်။

ရေခြောက်လေးတွေဟာ အန္တရာယ်ကင်းတဲ့တိရိစ္ဆာန်တွေဖြစ်ပါတယ်။ သူတို့မှာအဆိပ်တွေမရှိသလို ကြီးမားတဲ့သွားတွေလည်း မရှိပါဘူး။ ရန်သူတွေတိုက်ခိုက်ခံရတဲ့အခါ သူတို့မှာခုခံဖို့နည်းလမ်းမရှိပါဘူး။ သူတို့အသုံးပြုနေကျ နည်းလမ်းတစ်ခုကတော့ ဟန်ဆောင်ဖို့ပါပဲ။ ရန်သူတွေရဲ့ တိုက်ခိုက်ခြင်းခံရတဲ့အခါ သူတို့ဟာ သေချင်ယောင်ဆောင်ပြီး အန္တရာယ်ကိုကာကွယ်တတ်ကြပါတယ်။

သူတို့ရဲ့ဦးခေါင်းထိပ်မှာ အရိပ်တစ်ခုဖြတ်သွားရင်တောင်သိနိုင်မယ့် parietal မျက်လုံးပါရှိပါတယ်။ ဒါကြောင့် သူတို့အနီးအနားမှာ လှုပ်ရှားနေတဲ့အရာဝတ္ထုတိုင်းကို သတိပြုမိနိုင်ပါတယ်။ ဒီလိုဉာဏ်ကောင်းပြီး ချစ်စရာကောင်းတဲ့ ရေခြောက်ကောင်လေးတွေကို အချို့ဒေသတွေမှာ အိမ်မွေးတိရိစ္ဆာန်အဖြစ်အများအပြားမွေးမြူကြပါတယ်။ သူတို့ဟာ အန္တရာယ်မရှိတဲ့အတွက် ကလေးတွေနဲ့လည်း ဆော့ကစားလို့ရပါတယ်။