လူတိုင်းမှာ နှလုံးတစ်ခုသာရှိသလို ကမ္ဘာပေါ်ကသတ္တဝါအားလုံးနီးပါးဟာလည်း နှလုံးတစ်ခုသာရှိကြပါတယ်။ ဒါပေမယ့် အချို့သတ္တဝါတွေက တစ်ခုထက်ပိုတဲ့ နှလုံးတွေကိုပိုင်ဆိုင်ထားကြပါတယ်။ ဒီလိုသတ္တဝါတွေထဲမှာ အနီးအနားပတ်ဝန်းကျင်မှာ အမြဲလိုလိုမြင်တွေ့နေရတဲ့ တီကောင်တွေလည်း အပါအဝင်ဖြစ်ပါတယ်။
တီကောင်တွေဟာ ပျော့ပျောင်းတဲ့အတွက် သူတို့ကိုယ်ထဲမှာ ဝမ်းဗိုက်ပိုင်းအစာအိမ်ကလွဲပြီး ဘာမှထပ်မရှိနိုင်ဘူးလို့ ထင်ရပေမယ့် အံ့ဩစရာကောင်းတာက သူတို့မှာ နှလုံး (၅) ခုအထိရှိပါတယ်။ အချို့တီကောင်တွေမှာဆိုရင် နှလုံးဆယ်ခုအထိပါရှိတယ်လို့လည်း သိရပါတယ်။ တီကောင်တွေရဲ့နှလုံးကို သူတို့ကိုရဲ့ ပါးစပ်အနီးမှာ ငါးစုံလောက်ထိတွေ့နိုင်ပါတယ်။ သူတို့ရဲ့နှလုံးဟာ အခုံးပုံစံဖြစ်နေတဲ့အတွက် သွေးကြောခုံးလို့လည်း ခေါ်ကြပါတယ်။
တီကောင်တွေဟာ အရေပြားမှတစ်ဆင့် အောက်ဆီဂျင်ကိုစုပ်ယူတဲ့အခါ သွေးကြောခုံးတွေက ခန္ဓာကိုယ်အနှံ့အောက်ဆီဖြည့်ထားတဲ့ သွေးတွေကိုစုပ်ယူပါတယ်။ ဒီနည်းလမ်းတွေဟာ အခြားတိရိစ္ဆာန်တွေနဲ့မတူဘဲ တစ်မူထူးခြားတဲ့နည်းလမ်းဖြစ်ပါတယ်။
ဒီလိုနှလုံးငါးခုပါတဲ့ တီကောင်တွေဟာ အပင်တွေအတွက်အလွန်အသုံးဝင်တဲ့ တိရိစ္ဆာန်အမျိုးအစားဖြစ်ပါတယ်။ သူတို့က မြေဆီလွှာအရည်အသွေးကို တိုးပွားအောင်လုပ်ဆောင်ပေးပြီး အပင်တွေကို ကျန်းမာသန်စွမ်းစေနိုင်ပါတယ်။
Bong I.T