ကမ္ဘာပေါ်မှာရှိတဲ့ တိရိစ္ဆာန်တွေအားလုံးဟာ မတူညီတဲ့အသွင်အပြင်နှင့် မတူညီတဲ့အစွမ်းအစတွေကို ပိုင်ဆိုင်ထားကြပါတယ်။ ဒီလိုအစွမ်းအစနှင့် ပင်ကိုယ်စရိုက်တွေမတူညီတဲ့ တိရိစ္ဆာန်တွေထဲက ကမ္ဘာ့အနှေးဆုံးတိရိစ္ဆာန်အချို့ကို ဖော်ပြပေးသွားပါမယ်။
(၁) ဆလော့
ဆလော့ကောင်တွေက ခြေလက်တွေပါရက်နဲ့ ဘာကြောင့်အနှေးဆုံးတိရိစ္ဆာန်ဖြစ်နေရတာလဲဆိုရင် သူတို့ရဲ့ နိမ့်ကျတဲ့ဇီဝဖြစ်စဥ်နှုန်းကြောင့်ဖြစ်ပါတယ်။ သူတို့ဟာ ခြေတစ်လှမ်းအတွက် တစ်မိနစ်အချိန်ပေးရပြီး သူတို့ကိုယ်ပေါ်မှာ ရေညှိတွေတက်နေတယ်လို့လည်း စူးစမ်းလေ့လာသူတွေက ဖော်ပြထားကြပါတယ်။ သူတို့ရဲ့ခြေလက်အသွင်အပြင်က အခြားတိရိစ္ဆာန်တွေနဲ့တူနေပေမယ့် ခန္ဓာကိုယ်အတွင်းပိုင်းဖွဲ့စည်းပုံက မတူညီကြပါဘူး။ သူတို့ရဲ့ခြေလက်က ရှည်ပေမယ့် ပုခုံးကတော့ မထင်ထားရလောက်အောင်ကျဥ်းပါတယ်။ ဒါတွေကြောင့်ပဲ သူတို့ဟာ ကမ္ဘာ့အနှေးဆုံးတိရစ္ဆာန်အဖြစ် သတ်မှတ်ခံထားရတာဖြစ်ပါတယ်။
(၂) ဥယျာဥ်ခရု
အကယ်၍သင့်မှာ ခြေထောက်တစ်ချောင်းတည်းရှိမယ်ဆိုရင် မြန်မြန်သွားနိုင်ဖို့အတွက် အရမ်းကိုခက်ခဲ့ပါလိမ့်မယ်။ ဥယျာဥ်ခရုတွေမှာ ရွေ့လျားဖို့အတွက် ပါးလွှာတဲ့ကြွက်သားအစိတ်အပိုင်းတစ်ခုရှိပါတယ်။ သူတို့ရွေ့လျားချိန်မှာ ပွတ်တိုက်မှုကို လျှော့ချဖို့အတွက် အရည်တစ်မျိုးကိုထုတ်တတ်ကြပါတယ်။ ဒါကြောင့် ဥယျာဥ်ခရုတွေ လျှောက်သွားတဲ့လမ်းကြောင်းမှာ အနည်းငယ်စိုစွတ်နေတာဖြစ်ပါတယ်။ သူတို့ရဲ့အမြန်ဆုံးအလျင်က တစ်စက္ကန့်ကို (၁-၂) လက်မ ကြားမှာဖြစ်ပြီး ပုံမှန်အလျင်ကတေ့ တစ်လက်မအောက်သာရှိပါတယ်။
(၃) ကြယ်ငါး
ကြယ်ငါးလေးတွေဟာ အပေါ်ဘက်မှာ မာကျောပြီး အောက်ဘက်မှာ ပြွန်နဲ့တူတဲ့ လှုပ်လှုပ်ရွရွခြေထောက်လေးတွေရှိပါတယ်။ ဒီခြေထောက်လေးတွေကို အသုံးပြုပြီး မျက်နှာပြင်တွေကို တွယ်ကပ်ကာသွားလာတတ်ကြပါတယ်။ ဒါပေမယ့်အရမ်းမြန်ပါဘူး။ သူတို့ရဲ့ခြေထောက်တွေကိုအသုံးပြုပြီး တစ်မိနစ်ကို ၃ ပေ ( ၁ မီတာ) ခန့်သာ သွားလာနိုင်ပါတယ်။
ဒီလိုအနှေးဆုံးတိရစ္ဆာန်တွေကို သင်မြင်ဖူးပါသလား။ အခြားဘယ်ကောင်တွေက အနှေးဆုံးဖြစ်မယ်ထင်လဲ..။
Bong I.T