ရင်သပ်ရှုမောဖွယ် အနီရောင်တိရိစ္ဆာန်များ..

ကမ္ဘာပေါ်မှာ ထူးခြားအံ့ဩစရာကောင်းတဲ့ တိရိစ္ဆာန်မြောက်များစွာရှိပါတယ်။ အရောင်၊ လက္ခဏာ၊ အသွင်အပြင်၊ အစားအသောက်အားဖြင့် ပုံစံအမျိုးမျိုးကွဲပြားကာ ထူးခြားဆန်းပြားစွာရှင်သန်နေထိုင်ကြပါတယ်။ ဒီထဲကမှာ ရင်သပ်ရှုမောဖွယ်ကောင်းတဲ့ အနီရောင်တိရိစ္ဆာန်အချို့ကို ဖော်ပြပေးသွားပါမယ်။

(၁) အနောက်တိုင်း အနီရောင်ကင်းမြီးကောက်ငါး

ဩစတေးလျအနောက်ပိုင်း ရော့နက်ကျွန်းစုမှာတွေ့ရတဲ့ အဆိပ်ရှိငါးတွေဖြစ်ပါတယ်။ အနီရောင်ကင်းမြီးကောက်ငါးတွေကို ကမ္ဘာ့အဆိပ်အပြင်းဆုံးငါးအဖြစ်လူသိများပါတယ်။ သူတို့ဟာ ရန်သူတွေမမြင်နိုင်အောင် ကိုယ်ဖျောက်နိုင်စွမ်းရှိပါတယ်။

(၂) စတော်ဘယ်ရီ အဆိပ်ခတ်ဖား

စတော်ဘယ်ရီအဆိပ်ခတ်ဖားတွေမှာ ထူးခြားတဲ့ လက္ခဏာများပါရှိပြီး အရောင်ကိုကြည့်ခြင်းအားဖြင့် အခြားမျိုးစိတ်တွေနဲ့ ကွဲကွဲပြားပြားသိနိုင်ပါတယ်။ သူတို့ရဲ့အဆိပ်တွေဟာ အရေပြားတွေမှာပါရှိပြီး ထိလိုက်ရုံနဲ့ အဆိပ်ကိုကူးစက်စေပါတယ်။ သူတို့အဆိပ်က အလွန်ပြင်းထန်ပြီး ပျို့အန်ခြင်း၊ ကြွက်သားလေဖြတ်ခြင်းနှင့် ရောင်ရမ်းခြင်းတွေကို ဖြစ်စေပါတယ်။

(၃)အနီရောင်ကလင်ဒါလိပ်ပြာ

အာဖရိကအလယ်ပိုင်းမှာတွေ့ရတဲ့ အလယ်အလတ်စား လိပ်ပြာအမျိုးအစားဖြစ်ပါတယ်။ အမေရိကန်ရှိ သမိုင်းဝင်သဘာဝပြတိုက်တစ်ခုဖြစ်တဲ့ ဂါနီကီ မှာ အနီရောင်ကလင်ဒါလိပ်ပြာထီးကို ပြသထားပါတယ်။

(၄) Siamese တိုက်ခိုက်ရေးငါး

Siamese တိုက်ခိုက်ရေးငါးတွေကို Bettas လို့လည်းခေါ်ကြပါတယ်။ သူတို့ကို အရှေ့တောင်အာရှရဲ့ မြစ်အချို့နှင့် လတ်ဆတ်တဲ့ကန်တွေမှာ တွေ့ရတတ်ပါတယ်။ ဒီလိုတိုက်ခိုက်ရေးငါးထီးနှစ်ကောင်ကို ငါးကန်တစ်ခုတည်းမှာ လဝက်လောက်အတူတူထားမယ်ဆိုရင် အချင်းချင်းတိုက်ခိုက်ပြီး နှစ်ကောင်လုံးသေဆုံးသွားနိုင်ပါတယ်။