Common Cuckoo လို့ခေါ်တဲ့ ဥဩငှက်တွေက ကပ်ပါးငှက်တွေမှာ လူသိအများဆုံးငှက်အမျိုးအစားဖြစ်ပါတယ်။ ဥဩငှက်တွေမှာ roadrunners၊ coucals၊ koels၊ couas၊ malkohas နှင့် anis ဆိုတဲ့ မျိုးစိတ်တွေပါဝင်ပါတယ်။ အာရှနှင့် ဥရောပတစ်ခွင်မှာနေထိုင်ကြပြီး ဆောင်းရာသီမှာ အာဖရိကနှင့် အာရှတိုက်တောင်ပိုင်းမှာ ပြောင်းရွှေ့နေထိုင်ကြပါတယ်။ 

အထီးတွေအားလုံးနီးပါးဟာ မီးခိုရောင်တွေဖြစ်နေပေမယ့် အမတွေကတော့ ပန်းရောင် (သို့မဟုတ်) နီညိုရောင် အနည်းငယ်ရောစပ် ပါဝင်တတ်ပါတယ်။ ဥရောပမှာတွေ့ရတဲ့ သိမ်းငှက်ငယ်လေးတွေပုံစံယောင်ဆောင်ပြီး အခြားငှက်တွေရဲ့အသိုက်မှာ ဥဥလေ့ရှိကြပါတယ်။ ဒီနည်းလမ်းကို အသုံးပြုပြီး တေးဆိုငှက်၊ အမြှီးနီငှက်၊ ငှက်ရဟတ်၊ သပိတ်လွယ်ငှက်၊ စာငှက် စတဲ့ငှက်တွေအပြင် အခြားငှက်ပေါင်း (၁၀၀) ကျော်ရဲ့ အသိုက်တွေမှာ ဥဥတတ်ကြပါတယ်။ 

မျိုးပွားရာသီတစ်လျှောက်လုံးမှာ ဥဩငှက်အမတွေဟာ မတူညီတဲ့အသိုက် တစ်ဒါဇင်လောက်မှာ ဥဥနိုင်ပါတယ်။ တစ်ခါတစ်ရံမှာ ဥဩငှက်အမတွေဟာ သူတို့ဥတွေကို အခြားငှက်တွေက မသိနိုင်စေဖို့နှင့် အသိုက်ကို စွန့်ပစ်မသွားဖို့အတွက် သူမဥနဲ့ပုံစံတူတဲ့ အသိုက်တွေမှာ သွားဥတတ်ပါတယ်။ 

သားပေါက်လေးတွေထွက်လာတဲ့အခါ ဥဩငှက်တွေဟာ သူတို့သားပေါက်ကလွဲပြီး ကျန်တဲ့ဥတွေအကုန်လုံးကို ဖယ်ရှားပစ်ကြပါတယ်။ တကယ်လို့ အခြားဥတွေက အရင်ပေါက်လာခဲ့ရင်လည်း အစာတွေကိုလက်ဝါးကြီးအုပ်နိုင်ဖို့အတွက် အခြားသားပေါက်တွေကို ဖယ်ရှားတတ်ကြပါတယ်။ 

ဥဩငှက်တွေလိုပဲ တစ်ခြားအသိုက်မှာ ဥဥတတ်တဲ့ ထူးထူးခြားခြားငှက်သိုက်တွေလည်းရှိပါတယ်။