ဥရောပဖျံတွေဟာ ကမ္ဘာ့အသေးဆုံး အသားစားသတ္တဝါတွေဖြစ်ပါတယ်။ သူတို့ကို ဩစတေးလျနှင့် ၎င်းရဲ့ကျွန်းဆွယ်တွေကလွဲပြီး ကျန်တဲ့တိုက်ကြီးအားလုံးမှာတွေ့ရပါတယ်။ ဖျံတွေဟာ သူတို့ရဲ့အရွယ်အစား၊ အရောင်နှင့် အမူအကျင့်တွေအပေါ်မူတည်ပြီး အမျိုးအစားများစွာကွဲပြားကြပါတယ်။

ဥရောပဖျံ သို့မဟုတ် အနည်းဆုံးဖျံလို့ လူသိများတဲ့ဖျံတွေဟာ သေးငယ်ပြီး ရက်စက်ကြမ်းကြုတ်တဲ့ အသားစားသတ္တဝါဖြစ်ပါတယ်။ သူတို့ဟာ ကမ္ဘာတစ်ဝှမ်းလုံးမှာ ပျံ့နှံ့နေထိုင်ကြပြီး ကမ္ဘာ့မြောက်ခြမ်းမှာ ပိုမိုတွေ့ရှိနိုင်ပါတယ်။ အရွယ်အစားအားဖြင့် နှာခေါင်းမှ အမှီးထိ (၆) လက်မထက်ပိုမရှည်ကြပါဘူး။

ဥရောဖျံတွေဟာ သူတို့ရဲ့ဘဝတစ်လျှောက်လုံးကို နို့တိုက်သတ္တဝါငယ်လေးတွေကို အမဲလိုက်ရင်း ကုန်ဆုံးစေပါတယ်။ သူတို့ဟာ နေရာဒေသနှင့်အရွယ်အစားအပေါ်မူတည်ပြီးတော့ တစ်ကောင်တည်းလှည့်လည်နေထိုင်တတ်တဲ့ တိရိစ္ဆာန်တွေဖြစ်ပြီး မိတ်လိုက်တဲ့ခါမှသာ အထီးနှင့်အမကို ယှဥ်တွဲတွေ့ရမှာဖြစ်ပါတယ်။ သူတို့ဟာအရွယ်အစားသေးငယ်ပေမယ့် အားကောင်းပြီး သန်မာတဲ့အတွက် သူတို့ထက် အရွယ်အစားကြီးတဲ့တိရိစ္ဆာန်တွေကိုတောင် သတ်နိုင်တဲ့အစွမ်းအစရှိပါတယ်။ ပတ်ဝန်းကျင်ကိုအကောင်းဆုံးရှုမြင်နိုင်ဖို့အတွက် သူတို့ရဲ့ဝမ်းဗိုက်ပိုင်းမှာရှိတဲ့ အဖြူရောင်အမွေးတွေကိုဖော်ပြပြီး နောက်ခြေထောက်တွေနဲ့ မတ်မတ်ထိုင်ကာ စူးစမ်းလေ့လာတတ်ပါတယ်။ 

ဖျံကောင်တွေအချင်းချင်းတည့်တဲ့အချိန်က မိတ်လိုက်တဲ့အချိန်ဖြစ်ပါတယ်။ မိတ်လိုက်ပြီး ငါးပတ်ခန့်အကြာမှာ ဖျံသားပေါက် (၁-၇) ကောင်ထိ မွေးဖွားတတ်ကြပါတယ်။ ရက်သတ္တပတ်အနည်းငယ်အတွင်းမှာ ဖျံကောင်လေးတွေဟာ သူတို့မိခင်ကိုထားခဲ့ပြီး ကိုယ်တိုင်အစာရှာထွက်တတ်ကြပါတယ်။ 

ဖျံလေးတွေဟာ သုံးနှစ်လောက်ထိအသက်ရှင်နိုင်ပေမယ့် (၂-၃) အရွယ်လောက်ရှိတဲ့ ဖျံမတွေဟာ ကောင်းမွန်စွာမျိုးပွားနိုင်စွမ်းမရှိတော့ပါဘူး။ အထီးတွေကတော့ သူတို့မသေခင်အထိ သားကောင်တွေကို ကောင်းကောင်းမွန်မွန်ရှာဖွေနိုင်ပါတယ်။