Victoria boliviana အမျိုးအစားကြာရွက်တွေဟာ ကမ္ဘာ့အကြီးဆုံးကြာရွက်တွေပဲဖြစ်ပါတယ်။ သူတို့ဟာ လူနှစ်ယောက်လွတ်လွတ်လပ်လပ်အိပ်လို့ရတဲ့ အရွယ်အစားလောက်ရှိပါတယ်။ ကမ္ဘာ့အကြီးမားဆုံးအဖြစ်သတ်မှတ်ခံထားရတဲ့ Victoria Amazonica ရွက်ဟာ အချင်း ၃.၂ မီတာ (၁၀ ပေ ၆ လက်မ) ရှိတယ်လို့ သိရပါတယ်။ ဒါ့အပြင် အစွန်းထွက်နေတဲ့ အရွက်ရဲ့အမြင့်ဟာ ၁၇ စင်တီမီတာ (၆.၇ လက်မ) ရှိပါတယ်။ အမြင့်ပါပေါင်းထည့်လိုက်ရင် သူ့ရဲ့အချင်းဟာ ၃.၃၇ မီတာ ( ၁၁ ပေ) လောက်ရှိပါတယ်။ ဒီအရွက်ကို ဘိုလီးဗီးယားနိုင်ငံ၊ Santa Cruz de la Sierra ရှိ La Rinconada ဂေဟဗေဒပန်းခြံမှာ စိုက်ပျိုးခဲ့တာပါ။

ဒါ့အပြင် Victoria boliviana ရွက်တွေဟာ အရွက်ရဲ့အပိုင်းခွဲမရှိတဲ့ ကမ္ဘာ့အကြီးဆုံးကြာရွက်အဖြစ်လည်း မှတ်တမ်းတင်ထားပါသေးတယ်။ ဒီအရွက်တွေကို တောင်အမေရိကတိုက်မှာရှိတဲ့ အမေဇုန်တောမှာ များစွာတွေ့ရတတ်ပါတယ်။ 

ဒီအရွက်တွေမှာ ပါရှိတဲ့အစေ့တွေက ဆေးဝါးအဖြစ်အသုံးဝင်သလို ဆံပင်ဆိုးဆေးအဖြစ်လည်း အသုံးပြုကြပါတယ်။ ဒါ့ကြောင့် ဒီလိုကြာရွက်တွေကို စီးပွားအဖြစ်လည်း စိုက်ပျိုးထားကြပါတယ်။ ကြာရွက်ဆိုတဲ့အတိုင်း Victoria boliviana ရွက်တွေကို ရေပြင်ပေါ်မှာသာ စိုက်ပျိုးရတာဖြစ်ပါတယ်။