ကမ္ဘာ့နိုင်ငံတစ်ဝှမ်းမှာ ခွေးလေးတွေဟာ လူကြိုက်အများဆုံး အိမ်မွေးတိရစ္ဆာန်ဖြစ်ပါတယ်။ သူတို့လေးတွေဟာ အိမ်စောင့်ပြီး သူခိုးရန်က ကာကွယ်ပေးနိုင်သလို အတူတူဆော့ကစားလို့ရတဲ့ အဖော်မွန်ကောင်းတွေလည်းဖြစ်ပါတယ်။ ဒါ့အပြင် စစ်တပ်ထဲမှာ ရန်သူတွေရဲ့တည်နေရာကိုရှာဖွေဖို့ အနံ့ခံကောင်းတဲ့ခွေးတွေကို အသုံးပြုကြပါတယ်။ ဒီလိုခွေးတွေထဲကမှာ ဉာဏ်ရည်အမြင့်ဆုံးအဖြစ်သတ်မှတ်ထားတဲ့ ခွေးသုံးမျိုးကို ဖော်ပြပေးသွားပါမယ်။
Border Collie
ခွေးလောကကျွမ်းကျင်သူတွေက Border Collie လေးတွေကို ဉာဏ်ရည်အမြင့်ဆုံးအဖြစ် သတ်မှတ်ထားကြပါတယ်။ သူတို့ဟာ အမိန့် ၅ ခုလောက်ကို ဆက်တိုက်လိုက်နာနိုင်ပြီး ၉၅% ခန့် ကို သေချာအောင်ပြုလုပ်နိုင်စွမ်းရှိပါတယ်။ Border Collie ကို သိုးထိန်းခွေးလို့လည်း ခေါ်တတ်ကြပါတယ်။
၁၈-၂၂ လက်မ အမြင့်ရှိပြီး ၃၀-၅၅ ပေါင်အလေးချိန်ရှိပါတယ်။ သက်တမ်းကတော့ ၁၂-၁၅ နှစ် ကြားရှိပါတယ်။
Poodle
Poodle လေးတွေဟာ အရမ်းချစ်စရာကောင်းပြီး ဉာဏ်ရည်မြင့်တဲ့အတွက် အများစုက ဂရုတစိုက်မွေးမြူကြပါတယ်။ ရွှေရောင် Poodle လေးတွေကို ချစ်စရာကောင်းလို့ မွေးမြူကြပေမယ့် မွေးပြီးတဲ့အခါ ဉာဏ်ရည်နှင့်သင်ယူနိုင်စွမ်းကို ပိုပြီးနှစ်သက်တတ်ကြပါတယ်။
Poodle လေးတွေဟာ အမျိူးအစားအလိုက် အမြင့်နှင့် အလေးချိန်ကွာနိုင်ပြီး ၁၀-၂၂ လက်မ၊ ၆-၇၀ ပေါင် ခန့် ရှိနိုင်ပါတယ်။ သက်တမ်းကတော့ ၁၂-၁၅ နှစ် ကြား ရှိနိုင်ပါတယ်။
German Shepherd
German Shepherd သိုးထိန်းခွေးတွေဟာ အမဲလိုက်ရာမှာ အထူးကျွမ်းကျင်တဲ့အပြင် အနံ့ခံကောင်းတာကြောင့် ရဲတွေက သူတို့ရဲ့အဓိက လက်ထောက်တွေအဖြစ်အသုံးပြုကြပါတယ်။ ရန်သူတွေကို ရှာဖွေဖို့အတွက်သော်လည်းကောင်း၊ ဆေးဝါးအကူအဖြစ်သော်လည်းကောင်း အသုံးပြုကြတဲ့အတွက် သူတို့ရဲ့လုပ်ဆောင်နိုင်စွမ်းကိုတော့ အထူးချီးမွမ်းစရာတောင် မလိုတော့ပါဘူး။
၂၂-၂၆ လက်မခန့် အမြင့်ရှိပြီး အလေးချိန် ၅၀-၉၀ ပေါင်ခန့်ရှိပါတယ်။ အရွယ်အစားကြီးမားတဲ့ ခွေးအမျိုးအစားလို့ ဆိုနိုင်ပါတယ်။ သက်တမ်းကတော့ ၇-၁၀ နှစ်ခန့် ရှိပါတယ်။
Bong I.T