ဒဏ္ဍာရီပုံပြင်ထဲက သေရွာပြန် ဖီးနစ်ငှက်အကြောင်း

ဒဏ္ဍာရီတွေထဲက ကိုယ်ရောင်ကိုယ်ဝါတောက်ပပြီး လှပတင့်တယ်ဆိုတဲ့ ဖီးနစ်ငှက်တွေရဲ့ အကြောင်းကို သင်လည်းကြားဖူးကြမှာပါ။ ဒဏ္ဍာရီတွေထဲမှာတော့ ဖီးနစ်ငှက်က သူတို့သေဆုံးပြီးတဲ့ ပြာမှုန်ကနေ ပြန်လည်မွေးဖွားနိုင်စွမ်းရှိတဲ့ ငှက်တစ်မျိုးဖြစ်ပါတယ်။ သာဖန်အသိုက်များမှာ နေထိုင်ခြင်းမရှိဘဲ ဟင်းခတ်အမွှေးအကြိုင်များ၊ ဆေးဖက်ဝင်အပင်များနှင့် အမွှေးနံ့သာများရှိတဲ့ အကိုင်းအခက်များဖြင့် ဆောက်လုပ်ထားတဲ့ အသိုက်တစ်ခုမှာသာ နှစ်ပေါင်းရာနှင့်ချီ အသက်ရှင်နေထိုင်ကြတာဖြစ်ပါတယ်။

သူတို့အသိုက်တွေ မီးလောင်သွားတဲ့အချိန်မှာရင် ဘေးလွတ်ရာကို မပျံသန်းဘဲ အသေခံသွားကြတာ ဖြစ်ပါတယ်။ အဲ့ဒီနောက် ပြာမှုန်တွေကတစ်ဆင့် နောက် ဖီးနစ်အသစ်ကို ထပ်ခါထပ်ခါ ပြန်လည်မွေးဖွားခဲ့ကြတာလို့ ဒဏ္ဍာရီပုံပြင်တွေထဲမှာ ဖော်ပြထားပါတယ်။ ဒီဒဏ္ဍာရီပုံပြင်က ရှေးဂရိ၊ အီဂျစ်နှင့် ဖီးနစ်ဒဏ္ဍာရီမှ ဆင်းသက်လာကြတာပါ။ အပြင်မှာ ဖီးနစ်ငှက်တွေ တကယ်ရော ရှိခဲ့သလား။

 ဒါပေမယ့် ဖီးနစ်ငှက်က သမိုင်းတလျှောက်ရဲ့ ယဉ်ကျေးမှုများစွာမှာ သင်္ကေတတစ်ခုအဖြစ် ရေပန်းစားခဲ့ပါတယ်။ ဒီဘက်ခေတ်မှာလည်း ဖီးနစ်ငှက်ကို စာပေ၊ အနုပညာနှင့် လူကြိုက်များတဲ့ ယဉ်ကျေးမှုတွေမှာအပြင် ပြန်လည်မွေးဖွားခြင်း၊ အသစ်တဖန်ပြန်လည်ဆန်းသစ်ခြင်းကို ကိုယ်စားပြုတဲ့ အနေနဲ့ ခန္ဓာကိုယ်တွေမှာ တက်တူးထိုးလာကြသလို ကုမ္ပဏီအမှတ်တံဆိပ်များမှာလည်း အသုံးပြုလာကြပါတယ်။

သတင်း အရင်းအမြစ်៖ Source – internet