အမွှေးဖွားဖွားကြီးတွေနှင့် ချစ်စရာကောင်းလွန်းတဲ့ ဒီခွေးလေးတွေဟာ လွန်ခဲ့တဲ့ နှစ်ပေါင်းသုံးထောင်လောက်က အာတိတ်ဒေသမှာစတွေ့ခဲ့တာပါ။

နောက်ပိုင်းမှာ တရုတ်ပြည်မြောက်ပိုင်းမှာသားဖောက်မွေးရင်း နှစ်ကာလကြာလာတဲ့အခါ နေရာအမျိူးမျိူးကိုရောက်သွားပါတော့တယ်။ ၁၈၀၀နောက်ပိုင်းနှစ်တွေမှာတော့ အနောက်နိုင်ငံတွေကိုပါ ရောက်ရှိလာခဲ့ပါတယ်။

သက်ရှိအရုပ်ကလေးနှင့်တူတဲ့ ဒီခွေးကလေးဟာမထင်ထားလောက်တဲ့အထိ စွာပြီးရက်စက်တတ်ပါတယ်။ အရင်ခေတ်က အစောင့်ခွေးအဖြစ်အသုံးပြုခဲ့ကြတဲ့ ချောင်ချောင်ခွေးမျိူးဟာ သူ့သခင်ကလွဲရင် ဘယ်သူ့ကိုမှမခင်မင်တတ်ကြပါဘူး။ သခင်အပေါ်ကိုတော့အရမ်းသစ္စာရှိတတ်ကြပြီးတော့ အသက်နှင့်ရင်းပြီးကာကွယ်တတ်ကြတဲ့ ခွေးကလေးတွေပါ။

ဒါကြောင့် အမေရိကန်စစ်တပ်က ချောင်ချောင်ခွေးတွေကို စစ်တပ်ခွေးအဖြစ် လေ့ကျင့်ပေးကြပါတယ်။ ဒါပေမဲ့ အိမ်မွေးတိရိစ္ဆာန်အနေနှင့် မွေးမယ်ဆိုရင်တော့ အများကြီးလေ့ကျင့်ပေးဖို့ လိုအပ်ပါတယ်။

မှတ်တမ်းတွေအရ ဒီခွေးလေးတွေကြောင့် သေလုနီးပါးဖြစ်ခဲ့တာ ရှစ်ယောက်လောက်ရှိပါတယ်။ ကမ္ဘာ့အန္တရာယ်အရှိဆုံးခွေးတွေထဲမှာလည်း နံပါတ်ကိုးချိတ်ထားပါတယ်။

ဒါကြောင့် ဒီခွေးလေးတွေကို မွေးမယ်ဆိုရင် လေ့ကျင့်မှုကောင်းကောင်းလုပ်ပေးရမဲ့အပြင် အစားအသောက်ကိုလည်း ဂရုတစိုက်ကျွေးပေးရပါမယ်။ ဒီခွေးလေးတွေဟာ ပေါင်ချိန် ၇၀လောက်ထိရှိနိုင်ပြီးတော့ ပျမ်းမျှသက်တမ်းကတော့ ၁၂နှစ်လောက်ထိရှိပါတယ်။