အသားရေကြည်လင်ဝင်းပပြီး နုပျိုစေသော သဘာဝအစားအစာများ..

ကျွန်ုပ်တို့ခန္ဓာကိုယ်ကျန်းမာဝဖြိုးဖို့အတွက် အစားအသောက်ဟာ အလွန်အရေးပါပါတယ်။ ဒါ့အပြင် အစားအသောက်တွေဟာ အရေပြားစိုပြေလှပဖို့အတွက်လည်း အသုံးဝင်ပါတယ်။ လူ့ပတ်ဝန်းကျင်မှာ အသားရေဝင်းပကြည်လင်သူတွေဟာ မျက်နှာသာရနေစမြဲပဲ မဟုတ်လား။ ဒီလိုဆို အသားရေကြည်လင်ဝင်းပသွားအောင် ဘယ်လိုအစားအစာတွေစားသင့်သလဲ။

(၁) ဘယ်ရီသီး

ဘယ်ရီသီးမှာပါဝင်တဲ့ Vitamin C က Collagen ထုတ်လုပ်မှုကို လှုံ့ဆော်ပေးတာကြောင့် အရေပြားကို ကြည်လင်ဝင်းပစေတဲ့အပြင် အရွယ်တင်နုပျိုစေပါတယ်။ 

(၂) ကိုးကိုး (Cocoa)

ကိုးကိုးနှင့် ချောကလက်တွေမှာ အသားရေကို လှပစေပြီး ရောဂါကာကွယ်ပေးတဲ့ Antioxidant တွေ အများဆုံးပါဝင်တာကြောင့် အသားရေဂရုစိုက်သူတွေ အထူးစားသုံးသင့်ပါတယ်။

(၃) သစ်သီးများ

လိမ္မော်သီး၊ ပန်းသီးနှင့် သံပုရာသီးတွေဟာ အရေပြားအတွက် အထူးကောင်းမွန်တာကြောင့် နေ့စဥ်စားသုံးသင့်ပါတယ်။

(၄) အဖျော်နှင့် ယမကာများ (Beverages)

ကော်ဖီ၊ 'Green Tea' နှင့် ဝိုင်တွေမှာလည်း Antioxidant ပါဝင်မှုများတာကြောင့် အရေပြားကို လှပစေပါတယ်။

(၅) အသီးအရွက်များ

ဂေါ်ဖီထုပ်၊ ငရုတ်ကောင်းနှင့် သံလွင်သီးတွေဟာလည်း အသားရေကို ဝင်းပစေတာကြောင့် လုံးဝစားသုံးသင့်တဲ့ အစားအစာတွေဖြစ်ပါတယ်။ အသီးအရွက်တွေမှာ Antioxidant ပါဝင်မှုအများဆုံးဖြစ်ပါတယ်။