ကမ္ဘာပေါ်မှာတော့ ရှေးအကျဆုံး ရုပ်ကြွင်းတွေကို တွေ့ခဲ့ဖူးပေမယ့် အခုတွေ့ရတဲ့ ရုပ်ကြွင်းကတော့ ပိုပြီးရှေးကျလွန်းပါတယ်။ ဒီရုပ်ကြွင်းက အမျိုးသားတစ်ဦးရဲ့ ရုပ်ကြွင်းဖြစ်ပြီး ၁၉၉၃ ခုနှစ်မှာ  အီတလီနိုင်ငံတောင်ပိုင်း Altamura မြို့အနီးရှိ လှိုဏ်ဂူတစ်ခုမှာ ရှာဖွေတွေ့ရှိခဲ့တဲ့ Neanderthal ကျောက်ဖြစ်ရုပ်ကြွင်းဖြစ်ပါတယ်။

 ယင်းရုပ်ကြွင်းကို ကျောက်စက်ပန်းဆွဲများမှာ ကယ်လ်စီယမ်ဖြင့် မြှုပ်နှံထားတာ ဖြစ်ပါတယ်။ အဲ့ဒီဒြပ်စင်များကြောင့်ပဲ ရုပ်ကြွင်းဟာ ဒီလို နှစ်ရှည်ကြာအောင် ထိန်းသိမ်းထားတယ်လို့ ထင်ပါတယ်။

သုတေသန ပညာရှင်များရဲ့ လေ့လာချက်တွေအရ ကျောက်ဖြစ်ရုပ်ကြွင်းရဲ့ သက်တမ်းမှာ နှစ်ပေါင်း ၁၂၈,၀၀၀ မှ ၁၈၇,၀၀၀ အကြားရှိမယ်လို့ ခန့်မှန်းရပြီး ၎င်းဟာ ရှာဖွေတွေ့ရှိဖူးသမျှမှာ ရှေးအကျဆုံးနှင့် အကောင်းမွန်ဆုံးရှိနေတဲ့ Neanderthal ရုပ်ကြွင်းများထဲမှ တစ်ခုဖြစ်တယ်လို့ဆိုပါတယ်။

သမိုင်းပညာရှင်များအတွက်တော့ ဒီရုပ်ကြွင်းဟာ  အလယ်ပိုင်း Pleistocene ကာလအတွင်း Altamura ဒေသမှာ နေထိုင်ခဲ့တဲ့ အစောပိုင်းလူသားမျိုးနွယ်တွေရဲ့ ဆင့်ကဲပြောင်းလဲမှုကို လေ့လာရာမှာ တန်ဖိုးမဖြတ်နိုင်တဲ့ ရှာဖွေမှုတစ်ခု ဖြစ်ခဲ့ပါတယ်။

သတင်း အရင်းအမြစ်៖ Source - Asian Gallery