BLACKPINK အဖွဲ့ဝင် Jisoo ဟာဆိုရင် သူမရဲ့နောက်ဆုံးအင်တာဗျူးမှာ တစ်ကိုယ်တော်ပွဲဦးထွက်နိုင်ချေ ရှိမရှိကိုဖွင့်ဟပြောဆိုလာခဲ့ပါတယ်။
Jisoo က လက်ရှိမှာ အသက် ၂၈ နှစ်အရွယ်ရှိနေပြီဖြစ်ပြီး သူမအနေနဲ့ တစ်ကိုယ်တော် ပွဲဦးထွက်ဖို့ လုံးဝ အဆင်သင့် မဖြစ်သေးဘူးလို့ ဆိုပါတယ်။
BLACKPINK အဖွဲ့မှာ တစ်ကိုယ်တော် ပွဲဦးထွက်ဖို့ ကျန်ရှိနေသူက Jisoo တစ်ယောက်တည်း ဖြစ်တာကြောင့်အဆိုပါ အကြောင်းအရင်းနဲ့ ပတ်သက်ပြီး မေးမြန်းခဲ့တဲ့အချိန်မှာ Jisoo က ရိုးရှင်းစွာ ပြန်လည်ဖြေကြားခဲ့ပါတယ်။
Jisoo က သူမအနေနဲ့ တစ်ကိုယ်တော်အခွေထုတ်ချင်ကြောင်းဆိုတာ မသေချာသေးကြောင်း၊ သူမနားထောင်တဲ့သီချင်း၊ သူမ ပြုလုပ်နိုင်တဲ့သီချင်း ၊ သူမပြုလုပ်ချင်တဲ့သီချင်း တွေ ကို ဘယ်လိုမျိုးရွေးချင်လဲဆိုတာ မတွေးမိကြောင်း ၊ သူမ ကြိုက်တဲ့သီချင်းတွေက တူရိယာတွေနဲ့ တီးခတ်ရတဲ့ သီချင်းဖြစ်ကြောင်း ပွင့်ပွင့်လင်းလင်းပြောခဲ့ပါတယ်။
Jisoo က မတူညီတဲ့ တီးဝိုင်းတွေနဲ့ ရော့ခ်ဂီတကို နှစ်သက်ပါကြောင်း ၊ လူတွေက သူမဆီက ဘာလိုချင်တာလဲဆိုတာ သိချင်ကြောင်း၊ သူမအနေနဲ့ ရှုပ်ထွေးနေတဲ့ မေးခွန်းတွေရှိကြောင်း ၊ ၂၀၂၃ ခုနှစ်အတွက် သူမရဲ့တစ်ကိုယ်တော် အစီအစဉ်တွေကို မသိရှိသေးကြောင်း ရှင်းပြထားပါတယ်။
BLACKPINK အဖွဲ့ဝင် Jisoo ဟာဆိုရင် လက်ရှိအချိန်အထိ တစ်ကိုယ်တော် သီချင်းခွေ မထုတ်ရသေးတဲ့ တစ်ဦးတည်းသော အဖွဲ့ဝင် ဖြစ်ပါတယ်။
BLACKPINK အဖွဲ့ထဲက Jennie ဟာဆိုရင် ၂၀၁၈ ခုနှစ်တုန်းက ပထမဦးဆုံးတစ်ကိုယ်တော်ပွဲဦးထွက်လာတဲ့သူဖြစ်ပြီး ၊ ၂၀၂၁ ခုနှစ်မှာ Rose နဲ့ ၂၀၂၂ ခုနှစ်မှာ Lisa တို့က အသီးသီးတစ်ကိုယ်တော် ပွဲဦးထွက်ခဲ့ကြပါတယ်။
ပရိသတ်တွေအနေနဲ့ Jisoo ရဲ့ တစ်ကိုယ်တော်ပွဲဦးထွက်ကို များစွာမျှော်လင့်နေပေမယ့် လက်ရှိ အခြေအနေအရတော်တော်လေး အချိန်ကြာဉီးမယ့် အနေအထားမှာ ရှိလို့နေပါတယ်။