ခရုတွေဟာ လူတွေကို သေဆုံးစေနိုင်တာ သိပါသလား။ ရေချိုခရုတွေရဲ့ Schistosomiasis လို့ခေါ်တဲ့ ရောဂါကြောင့် နှစ်စဉ်လူပေါင်း ၁ သောင်းခန့်ကို သေဆုံးစေပါတယ်။ ရေချိုခရုတွေမှာ ကပ်ပါးသန်ကောင်တစ်မျိုးရှိပြီး ဒီကပ်ပါးသန်ကောင်တွေကြောင့် ဖြစ်ပွားတဲ့ ရောဂါပါ။ ကပ်ပါးကောင်ကို အရှေ့အလယ်ပိုင်း၊ ဆာဟာရအောက်ပိုင်း၊ ကာရေဘီယံ၊ အရှေ့တောင်အာရှနဲ့ အခြားအပူပိုင်းဒေသနိုင်ငံတွေမှာ တွေ့ရှိနိုင်ပါတယ်။
ကပ်ပါးပိုးဟာ ရောဂါပိုးရှိတဲ့ တိရစ္ဆာန် သို့မဟုတ် လူတို့ရဲ့ မစင်နဲ့ ဆီးကနေတဆင့် ဖြစ်ပေါ်လာပြီး ရေချိုကိုညစ်ညမ်းစေပါတယ်။ ကပ်ပါးပိုးဟာ အရေပြားကတဆင့် ထိုးဖောက်ဝင်ရောက်ကာ သွေးကြောအတွင်းရောက်ရှိလာပြီး အူများ၊ အသည်းနဲ့ အခြားအင်္ဂါတွေဆီကို ရွေ့လျားခြင်းဖြင့် လူကိုကူးစက်စေပါတယ်။
အစောပိုင်း လက္ခဏာတွေမှာ အဖျားတက်ခြင်း၊ ချမ်းတုန်ခြင်း၊ ကြွက်သားနှင့် အဆစ်အမြစ်များ နာကျင်ခြင်း စတာတွေ ပါဝင်ပြီး နောက်ပိုင်းမှာ ဆီးသွားဖို့ ခက်ခဲခြင်း၊ ဆီး သို့မဟုတ် ဝမ်းထဲမှာ သွေးပါခြင်း၊ အသည်းကြီးခြင်း စတာတွေဖြစ်နိုင်ပါတယ်။ ကုသဖို့နည်းလမ်းရှိနေပေမယ့်လည်း ဒီရောဂါဟာ လူတွေကို သေစေနေတုန်းပါပဲ။
Bong I.T