ကာရေဘီယံ ဒါမှမဟုတ် တောင်အမေရိက မိုးသစ်တော‌တွေရဲ့ ရွှံ့ညွန်များနဲ့ စမ်းချောင်းတွေမှာ စူးစမ်းလေ့လာမယ်ဆိုရင် သင်ခြေတစ်လှမ်းတွေကို သတိထားသင့်ပါတယ်။ တကယ်လို့ အညိုရောင် အရွက်တွေ ပေါ်လာမယ်ဆိုရင် ဒါဟာ ဆူရီနမ် ဖားပြုပ် ဖြစ်နိုင်ပါတယ်။

ဆူရီနမ် ဖားပြုပ် ရဲ့လက်တင်နာမည်ကတော့ Pipa pipa ဖြစ်ပါတယ်။သူ့မှာ ချောမွတ်တဲ့ အသားအရည်ရှိပေမယ့်လည်း အခြား ဖားပြုပ်တွေနဲ့မတူဘဲ သူတို့ဟာ ပြန့်ကားနေတဲ့ ခန္ဓာကိုယ်အနေအထားရှိပါတယ်။ အရွယ်အစားကတော့ ၄ လက်မကနေ ၅ လက်မထိ ရှိကြပါတယ်။ ဆူရီနမ် ဖားပြုပ်တွေဟာ အသက်ရှုဖို့ ရေမျက်နှာပြင်ပေါ် မရောက်မီ တစ်နာရီအထိ ရေအောက်မှာ ရှိနေနိုင်ပါတယ်

။သူတို့ရဲ့ ရှည်လျားတဲ့ ခြေချောင်းများနဲ့ သားကောင်ကို ဖမ်းပြီးရင် ပါးစပ်ထဲကို ထည့်ပြီး တစ်‌ကောင်လုံး မျိုချကြပါတယ်။ သူတို့ရဲ့အစာကတော့ ငါးငယ်များ၊ တီကောင်များနဲ့ အခြားကျောရိုးမဲ့သတ္တဝါတွေ ဖြစ်ကြပါတယ်။ ဆူရီနမ် ဖားပြုပ်တွေမှာ ပုံမှန်မဟုတ်တဲ့ မျိုးပွားမှု အလေ့အထရှိပါတယ်။ မိတ်လိုက်နေစဉ် သူတို့ဟာ ရေထဲမှာ ကျွမ်းပစ်ကြပါတယ်။ ဒီအချိန်မှာ အမတွေဟာ ဥ 100 ခန့် ထုတ်နိုင်ပြီး အထီးများက သူတို့ကို မျိုးအောင်အောင် ပြုလုပ်ကြပါတယ်။

ချက်ချင်းဆိုသလို မျိုးအောင်တဲ့ ဥတွေဟာ မိခင်ရဲ့အရေးပြားအိတ်ထဲကနေ လေးလကြာပြီးနောက်မှာ ဖားတစ်ပိုင်းအဖြစ် ထွက်လာကြပါတယ်။ သတိပေးချက် - သင့်မှာ Trypophobia ဆိုတဲ့ အပေါက်‌တွေကိုကြောက်တဲ့ရောဂါရှိရင် ဒီဗီဒီယိုကို မကြည့်ဖို့ အကြံပြုလိုပါတယ်။ ဗီဒီယိုကတော့ သူတို့တွေ ကလေးဘယ်လိုမွေးလဲဆိုတာကို ဖော်ပြထားတာပါ။