တောင်အမေရိကတိုက်က စပါးကြီးမျိုးရိုးဖြစ်တဲ့ အစိမ်းရောင် အန်နာကွန်ဒါမြွေကြီးဟာ ကမ္ဘာ့အကြီးဆုံး မြွေဖြစ်ပါတယ်။ သူရဲ့ဝမ်းကွဲဖြစ်တဲ့ စပါးအုံးမြွေဟာ အလျားအနည်းငယ် ပိုရှည်နိုင်ပေမယ့် အန်နာကွန်ဒါဟာ နှစ်ဆနီးပါး ပိုလေးပါတယ်။

ကြီးမားတဲ့ အရွယ်အစား

အစိမ်းရောင် အန်နာကွန်ဒါတွေဟာ ၂၉ ပေကျော်အထိ ကြီးထွားနိုင်ပြီး အလေးချိန် ပေါင် ၅၅၀ ကျော်နှင့် အချင်း ၁၂ လက်မကျော်ရှိပါတယ်။ အမတွေဟာ အထီးတွေထက် သိသိသာသာကြီးပါတယ်။ အစိမ်းရောင် အန်နာကွန်ဒါထက်သေးငယ်တဲ့ တခြားအန်နာကွန်ဒါမျိုးစိတ်တွေကတော့ အဝါရောင်၊ အမဲစက်နှင့် ဘိုလီးဗီးယားမျိုးကွဲများဖြစ်ပါတယ်။ သူတို့ဟာလည်း တောင်အမေရိက ကပါပဲ။

နေထိုင်ရာ

အန်နာကွန်ဒါတွေဟာ ရွှံ့နွံများ၊ စိမ့်မြေများနှင့် နှေးကွေးတဲ့ ချောင်းတွေမှာ နေထိုင်ကြပြီး အဓိကအားဖြင့် အမေဇုန်နှင့် Orinoco မြစ်ဝှမ်းရဲ့ အပူပိုင်းမိုးသစ်တောတွေမှာ နေထိုင်ကြပါတယ်။ သူတို့ဟာ ကုန်းပေါ်မှာ လေးလံပြီး နှေးကွေးပေမယ့်လည်း ရေထဲမှာတော့ လျှို့ဝှက်ပြီး ပေါ့ပါးကြပါတယ်။ သူတို့ရဲ့ မျက်လုံးများနဲ့ နှာခေါင်းပေါက်တွေဟာ သူတို့ရဲ့ ဦးခေါင်းထိပ်မှာရှိပြီး ရေမြုပ်နေချိန်မှာ သားကောင်ကို ချောင်းမြောင်းနိုင်ပါတယ်။

အစားအသောက်နှင့် အမဲလိုက်ခြင်း

ကြီးမားတဲ့ အရွယ်အစားကြောင့် သူတို့ဟာ တောဝက်များ၊ သမင်များ၊ ငှက်များ၊ လိပ်များ၊ capybara၊ မိကျောင်းများ နဲ့ ကျားသစ်တွေကိုတောင် စားသုံးနိုင်ကြပါတယ်။ အန်နာကွန်ဒါတွေဟာ အဆိပ်မရှိတဲ့‌ မြွေတွေဖြစ်တာကြောင့် ဖမ်းထားတဲ့သားကောင်တွေရဲ့ ကြွက်သားကို ချည်နှောင်ကာ တိရစ္ဆာန်အသက်ရှုကြပ်တဲ့အထိ ညှစ်ကြပါတယ်။ ရှည်လျားတဲ့အရွတ်တွေနဲ့ ကပ်ထားတဲ့ မေးရိုးတွေဟာ အရွယ်အစား ဘယ်လောက်ကြီးကြီး သူတို့ရဲ့ သားကောင်ကို မျိုချနိုင်ကာ အစာစားပြီးရင်တော့ ရက်သတ္တပတ် ဒါမှမဟုတ် လများစွာကြာတဲ့အထိ အစာမစားဘဲ နေနိုင်ပါတယ်။

မျိုးပွားခြင်း

အမ အန်နာကွန်ဒါတွေဟာ သူတို့ရဲ့ ဥတွေကို ထိန်းသိမ်းထားပြီး အသက်ငယ်ရွယ်စဉ် နှစ်ဒါဇင်မှ သုံးဒါဇင်အထိ မွေးဖွားပါတယ်။ မြွေကလေးများမွေးလာတဲ့အခါမှာ အရှည် ၂ ပေခန့်ရှိပြီး ချက်ချင်းကူးခတ်နိုင်ကာ အမဲလိုက်နိုင်ကြပါတယ်။ တောရိုင်းထဲမှာ သူတို့ရဲ့ သက်တမ်းဟာ ဆယ်နှစ်လောက်ရှိပါတယ်။