Chamaeleonidae လို့ခေါ်တဲ့ ပုတ်သင်ညိုကတော့ ကျွန်တော် တွေ့ဖူးသမျှ ပုတ်သင်ညိုတွေထဲမှာ ထူးခြားဆုံးပါပဲ။ သူရဲ့ ကိုယ်ရောင်ကိုယ်သွေးနှင့် ခန္ဓာကိုယ်တည်ဆောက်ပုံကတော့ အခြားမျိုးစိတ်တွေနဲ့ တော်တော်လေးကွဲပြားပါတယ်။ ပိုပြီး စိတ်ဝင်စားစရာကောင်းတာက သူမှာ chromatophores လို့ခေါ်တဲ့ အထူးအရေပြားဆဲလ်များရှိတာကြောင့် ပတ်ဝန်းကျင်နဲ့ လိုက်လျောညီထွေး ပြောင်းလဲနိုင်စွမ်းရှိတာ ဖြစ်ပါတယ်။

ဘယ်လိုအချိန်တွေမှာ အရောင်ပြောင်းလဲကြလဲဆိုရင် အထူးသဖြင့် သူတို့ရဲ့ နယ်မြေကို ကာကွယ်ဖို့ (ဒါမှမဟုတ်) မိတ်ဖက်များကို ဆွဲဆောင်ရာမှာ ပြောင်းလဲကြတာပါ။ အရောင်အားဖြင့် ပြောင်းလဲရာမှာလည်း အစိမ်းရောင်က ပိုများပေမယ့် အချို့ကတော့ အဝါရောင် ၊ အနီရောင် (သို့မဟုတ်) အနက်ရောင်များဖြစ်ပါတယ်။

ဒီလိုအရောင် ပြောင်းနိုင်ခြင်းကလည်း သူတို့အတွက် သားကောင်ကို ဖမ်းရာက ပိုလွယ်ကူလှပါတယ်။ သူတို့တွေဟာ သားကောင်ကို မျက်စိမှောက်အောင် မြွေးတွေ၊ငှက်တွေလိုမျိုး ပုန်းအောင်းပြီး ပတ်ဝန်းကျင်နှင့် ရောနှောနိုင်တဲ့ စွမ်းရည်ကို အသုံးပြုကြပါတယ်။

ထူးခြားတဲ့ လက္ခဏာရပ်ကတော့ သူတို့မှာ မတူညီတဲ့ လမ်းကြောင်းနှစ်ခုကို တစ်ပြိုင်တက်ထဲ ရွေ့လျားနိုင်တဲ့ မျက်လုံးများရှိပြီး ခြေဖဝါးကတော့ ငှက်ခြေဖဝါးနှင့် ဆင်တူလှပါတယ်။

အကောင်အရွယ်စာကတော့ ၁၆ မီလီမီတာ ကနေ ၇၀ စင်တီမီတာ (၂၇ လက်မ) အရှည်အထိ ရှိပြီး မျိုးစိတ်ပေါင်းကတော့ ၂၀၀ ကျော်လောက်ရှိပါတယ်။ သူတို့တွေအားလုံးကိုတော့ မိုးသစ်တောများ ၊ လယ်ကွင်းများနှင့် တောကန္တာရတွေမှာ တွေ့ရနိုင်ပါတယ်။