ထိုင်းမင်းသမီးချောလေးဖြစ်တဲ့ Bow Maylada ကတော့ “London Sweeties” ရုပ်ရှင်ကားကြီးနဲ့ မြန်မာပရိသတ်တွေကြားမှာ ရေပန်းစားခဲ့သူလေးဖြစ်ပါတယ်။ ဇာတ်ကားထဲမှာ သူရဲ့ “အိုးခိုင်မော့” ဆိုတဲ့ အသံလေးကြောင့် ပရိသတ်တွေက အရမ်းချစ်သွားကြတာလည်း ဖြစ်ပါတယ်။ Bow ကတော့ အဆိုတော် သရုပ်ဆောင် မော်ဒယ်အပြင် အစီအစဉ် တင်ဆက်သူအဖြစ်လည်း လုပ်ကိုင်ပါသေးတယ်။
အနုပညာလောကထဲကို အသက် ၈ နှစ် အရွယ်ကတည်းက ဝင်ရောက်လာတဲ့သူမက အခုလက်ရှိအချိန်မှာတော့ ထိုင်းနာမည်ကြီး Channel တွေနဲ့ လက်တွဲထားပြီး အောင်မြင်တဲ့ မင်းသမီးတစ်ယောက်ဖြစ်လို့နေပါပြီ။ သူမက အချစ်ရေးနဲ့ ပတ်သက်ပြီး ပရိသတ်တွေကို တရားဝင်ချပြထားတာဖြစ်ပြီး ထိုင်းသရုပ်ဆောင်မင်းသား Alek Theeradej နဲ့ တွဲနေတာပါ။
မကြာသေးမီက Bow က ပွဲတစ်ခုကို တက်ရောက်လာခဲ့ပြီး အဆိုပါပွဲကို သူမဝတ်လာတဲ့ ဖက်ရှင်က ကိုယ်ကျပ် ဂါဝန်ဖြစ်ပြီး ဗိုက်နေရာမှာ မသိမသာလေး ဖောင်းနေတာကြောင့် ကိုယ်ဝန်ရှိနေပြီလားဆိုပြီး ထင်ကြေးတွေ ပေးနေကြတာပါ။ ဒါ့အပြင် သူမရဲ့ လူမှုကွန်ယက်ထိပါ Tag တွဲပြီး “ဒီလောက် ဝ တဲ့ မင်းသမီးမျိုးကို တစ်ခါမှ မမြင်ဖူးသေးဘူး။ ကိုယ်ဝန် ရှိနေတာလား” စသဖြင့် ဝေဖန်ပြောဆိုနေကြပါတယ်။ Bow ကလည်း သူ့ကို ဝေဖန်နေမှုကို သည်းမခံနိုင်တော့ဘဲ “ ကိုယ်ဝန်တော့မဟုတ်ဘူး .. ဗိုက်ထဲမှာ ချီးတွေနဲ့ပြည့်နေတာကြောင့် ပူနေတာဆိုပြီး” ပြန်ပြောခဲ့ပါတယ်။
Source: Bow Maylada's IG Acc