လက်တွဲဖော်ရှာတာတောင် သစ်ပင်ပေါ်မှာထိုင်ပြီး အော်ခေါ်ရှာတတ်တဲ့ မျောက်မောင်းမ အမများ

Zootopia ကားထဲက Flash ဆိုတဲ့နာမည်နဲ့ တိရစ္ဆာန်ကို မှတ်မိကြသေးလား။ သူတို့ဟာ Sloths လို့ခေါ်တဲ့ မျောက်မောင်းမတွေဖြစ်ပြီး ကမ္ဘာ့အနှေးဆုံး တိရစ္ဆာန်ဖြစ်ပါတယ်။ ကမ္ဘာ့အနှေးဆုံး တိရစ္ဆာန်ဆိုသလို ပျင်းတဲ့နေရာမှာလည်း တကယ်ကို လိုက်မမှီပါဘူး။

အိမ်ထောင်ဖက်ရှာဖို့တောင် ပျင်းရိလွန်းတာကြောင့် မျောက်မောင်းမ အမတွေဟာ သစ်ပင်မှာ ထိုင်ကာ အထီးတွေအနေနဲ့ သူမနဲ့ လက်တွဲဖို့ ဆုံးဖြတ်တဲ့အထိ မကြာခဏ အော်နေတတ်လေ့ရှိပါတယ်။ လက်တွဲဖော်ရှာတာတောင် ဘာမှမလုပ်ပဲ ထိုင်ပြီးရှာနေကြတာဆိုတော့ မိုက်တော့မိုက်သား။

Sloth Conservation ရဲ့ ဖော်ပြချက်အရ "လက်သုံးချောင်းရှိတဲ့ ဒီတိရစ္ဆာန်တွေဟာ အနီးနားရှိ အထီးများရဲ့ အာရုံစိုက်မှုကို ဆွဲဆောင်ဖို့အတွက် သူတို့ရဲ့အသံကို ထုတ်လွင့်မှာဖြစ်ပါတယ်။ သူတို့ရဲ့ အသံ သို့မဟုတ် အော်သံဟာ ငှက်အော်သံ ဒါမှမဟုတ် လေချွန်သံနဲ့ တူပါတယ်။

သူမဟာ 10 မိနစ်မှ 15 မိနစ်တိုင်း ထအော်တဲ့အထိ အကြိမ်ရေတိုးလာတတ်ပြီး တစ်လလျှင် ရှစ်ရက်မှ ဆယ်ရက်အထိ ခုလိုပြုလုပ်တတ်ပါတယ်။ ဒီ‌အသံကိုကြားတဲ့ အထီးတွေက အရမ်းစိတ်လှုပ်ရှားသွားပြီး အမကို လိုက်ရှာပါလိမ့်မယ်” လို့ဖော်ပြထားဖူးပါတယ်။