သင်းခွေချပ်မှာ မျိုးစိတ် ဘယ်နှမျိုးရှိလဲ...?

သင်းခွေချပ်များဟာ ကမ္ဘာပေါ်မှာ ဦးခေါင်းမှ ခြေဖျားအထိ အကြေးခွံများဖြင့် ဖုံးအုပ်ထားသည့် တစ်ခုတည်းသော နို့တိုက်သတ္တဝါဖြစ်ပါတယ်။ အကြေးခွံတွေက ဘယ်လောက်ထိများလဲဆိုရင် ခန္ဓာကိုယ်တစ်ခုလုံးပေါ်မှာ ၂၀ ရာခိုင်နှုန်းလောက် ကြေးခွံများဖြစ်ပါတယ်။ ကမ္ဘာပေါ်မှာ သင်းခွေချပ်မျိုးစိတ်က (၈) မျိုးအထိရှိပါတယ်။ ကျွန်တော်တို့ အာရှတိုက်မှာတော့ တရုတ် ၊ မလေးယန်း ၊ အိန္ဒိယနှင့် ပလ္လင်သင်းခွေချပ် ဆိုပြီး အမျိုးစိတ် (၄) မျိုးလောက် တွေ့ရနိုင်ပါတယ်။

နောက်ထပ် (၄) မျိုးဖြစ်တဲ့ ဧရာမမြေပြင်သင်းခွေချပ်၊ ကိပ်သင်းခွေချပ် ၊ မြီးရှည်သင်းခွေချပ် နှင့် သင်းခွေချပ်လေး မျိုးစိတ်တို့က အာဖရိကတိုက်မှာပဲ အများဆုံး ကျက်စားနေထိုင်ကြတာပါ။ သင်းခွေချပ်အများစုကတော့ အပူပိုင်းသစ်တောများ နှင့် ဆာဗားနားတို့မှာ နေထိုင်ကြပြီး အချို့က သစ်ပင်တွေပေါ်မှာပဲ အချိန်ဖြုန်းကြပေမယ့် အချို့မှာ မြေအောက်မြေတွင်းများမှာပဲ အိပ်ကြတာ ဖြစ်ပါတယ်။

သူတို့ရဲ့ လျှာတွေက သစ်ကုလားအုတ် လျှာလိုမျိုး ၄၀ စင်တီမီတာအထိ ရှည်တဲ့ လျှာများရှိကြပါတယ်။ ပြောရမယ်ဆိုရင်တော့ သူတို့ရဲ့ လျှာက အင်းဆက်တွေကို အမဲလိုက်ရာမှာ အကောင်းဆုံး လက်နက်တစ်ခုဖြစ်လို့ တစ်နှစ်လျှင် အင်းဆက်ပေါင်း သန်း ၇၀ လောက်ဖမ်းစားနိုင်မယ်လို့ ပညာရှင်များက ခန့်မှန်းထားခဲ့ကြပါတယ်။ နောက်ထပ် စိတ်ဝင်စားစရာက သင်းခွေချပ်တွေမှာ သွားများမပါရှိပါဘူး ။

ဒါကြောင့် အင်းဆက်တွေကို စားသောက်ရာမှာ ဝါးမစားနိုင် အတွက် သူတို့ရဲ့ လျှာကနေအစာအိမ်ထဲအထိ တိုက်ရိုက်ပို့ဆောင်ပေးပါတယ်။ မှောင်မိုက်တဲ့ ညအခါမျိုးတွေမှာ သူတို့အတွက် ခက်ခဲတာကြောင့် အားလုံးကို မြင်တွေ့နိုင်တဲ့ နေ့ဘက်တွေမှာပဲ တက်တက်ကြွကြွနဲ့ လှုပ်ရှားကြပါတယ်။

ချစ်ဖို့ကောင်းတဲ့ သင်းခွေချပ် ခွေးလေးတွေကတော့ သူတို့ရဲ့ မိခင်ရဲ့ အမြီးကို သုံးလကြာ စီးနင်းပြီး တစ်ယောက်တည်း မရပ်တည်နိုင်တဲ့ အချိန်ထိ ငါးလကြာ မိခင်ရဲ့ ပြုစုစောင့်ရှောက်မှုအောက် နေကြရပါတယ်။

အရင်တုန်းက သင်းခွေချပ်မျိုးစိတ်တွေက ခြောက်သွေ့တဲ့ တောတောင်တွေမှာ များစွာတွေ့ရပေမယ့် လက်ရှိမှာ ဝိသမလောဘသားတွေကြောင့် မျိုးသုဉ်းမှုအန္တရာယ်ကို ကြုံတွေ့နေရပါတယ်။