မြန်မာ့ရာဇဝင်တွေထဲက ညံ သတ္တဝါရှာပုံတော်

ကျနော်တိုရဲ့ယနေ့ ကမ္ဘာကြီးဟာ အလွန်ခေတ်မှီပြီး ကမ္ဘာအနှံနေရာစုံကို အလွယ်တကူသွားရောက်၊ ဆက်သွယ်နိုင်ပေမယ့် ကျနော်တိုမသိရှိသေးတာတွေတစ်ပုံကြီးဖြစ်ပါတယ်။ ကမ္ဘာပေါ်မှာ ရှာဖွေ‌လေ့လာမှုတွေကို လွန်ခဲ့တဲ့ရာစုနှစ်ပေါင်းများစွာကစပြီးလုပ်ခဲ့ပေမယ့် လူတွေမသိရှိသေးတာတွေ၊ ‌မသေချာသေးတဲ့အရာတွေအများကြီး ကျန်ရှိနေပါသေးတယ်။

အဲ့ဒီထဲကတစ်ခုကိုပြောရမယ်ဆိုရင် မြန်မာ့ဒဏ္ဍာရီလာသတ္တဝါ 'ညံ' အကြောင်းပဲဖြစ်ပါတယ်။

ညံဆိုတာမြန်မာ့ ဒဏ္ဍာရီထဲက ရေသတ္တဝါတစ်ကောင်ဖြစ်ပြီး ဒဏ္ဍာရီဆိုတာထက် သမိုင်းမှတ်တမ်းတချိုမှာ ရှာဖွေတွေ့ရှိနိုင်ပါတယ်။ မြန်မာ့ရာဇဝင်တွေမှာတော့ ညံဆိုတာအလွန်ကြီးမားတဲ့အရွယ်အစားရှိတဲ့ ကြောစရာကောင်းတဲ့ ရေသတ္တဝါကြီးတစ်ကောင်အဖြစ် ဖော်ပြပါရှိပါတယ်။

အချိုကတော့ ညံဟာရေဘဝဲလို လက်အများကြီးပါတယ်လိုပြောကြပေမယ့် တော်တော်များများကတော့ ညံဟာမြွေနဲ့တူပြီး အလျား ၉ပေကျော်ရှည်တဲ့ ပင်လယ်မြွေကြီးတစ်မျိုးဖြစ်တယ်လို ပြောကြပြန်ပါတယ်။မြန်မာ့ရာဇဝင်‌တွေမှာတော့ ကုန်းဘောင်ခေတ်ရွှေနန်းလက်သုံး ပုရိပိုက်မှာ ဒုတ္ထဝဒီ မြစ်အတွင်းညံသတ္တဝါပေါ်ပေါက်ခဲ့တယ်လို မှတ်တမ်းတင်ထားခဲ့ပါတယ်။

အလောင်းမင်းတရား လက်ထက် အယုဒ္ဒယမြိုကိုစစ်ချီအသွား မုတ္တမမြစ်ထဲမှာ ဆင်နှစ်ကောင်ကို ညံသတ္တဝါကမြစ်ထဲချီသွားတယိလိုလဲ မှတ်တမ်းတင်ခဲ့ပါတယ်။ပြီးတော့လည်း ကမ္ဘာပတ်ပြီးနယ်မြေသစ်ရှာဖွေကြတဲ့ နယ်သာလန်၊ ပေါ်တူဂီ၊ စပိန်တိုလို အနောက်နိုင်ငံသားတွေကလည်း သူတိုရွက်လွှင့်ချိန် ညံသတ္တဝါတွေကို တွေ့ရတတ်တယ်လိုမှတ်တမ်းတွေအရ သိရပါတယ်။

ညံဟာ ဆင်လိုအားကြီးတဲ့ကောင်ကိုတောင် ရေထဲဆွဲချစားသောက်နိုင်ပြီး ပင်လဲထဲကလှေကြီးလှေငယ်တွေကို ဒုက္ခပေးနိုင်ပေမယ့် အခုထိတော့လူတွေကိုအန္တရာယ်ပြုတယ်ဆိုတဲ့ မှတ်တမ်းမျိုးမတွေ့ရသေးပါဘူး။ ပြီးတော့ညံဟာ မှတ်တမ်းရာဇဝင်တွေထဲကသတ္တဝါသာဖြစ်ပြီး တကယ်ပဲရှိခဲ့တာလား၊ ဘယ်လိုမျိုးစိတ်ထဲကဖြစ်ပြီး အခုထိရောရှိသေးလားဆိုတာကတော့ လေလာနေကြဆဲဖြစ်ပါတယ်။