လွန်ခဲ့သည့် နှစ်သန်းပေါင်းများစွာက သမုဒ္ဒရာများမှာ ကျင်လည်ကျက်စားခဲ့သည့် ဧရာမငါးမန်းတစ်ကောင်ဟာ လူသတ်ဝေလငါးအရွယ် အကောင်တစ်ကောင်ကို ကိုက်စားနိုင်တယ်လို့ သုတေသနအသစ်မှာ ဖော်ပြခဲ့ပါတယ်။

သုတေသီများရဲ့လေ့လာမှုတစ်ခုမှာ အကြီးဆုံး ရုပ်ကြွင်းအကျန်များကို အသုံးပြုပြီး megalodon 3D ပုံစံကို ဖန်တီးကာ သူ့ရဲ့ ဘဝအကြောင်း သဲလွန်စများကို ရှာဖွေခဲ့ကြပါတယ်။ နှာခေါင်းမှ အမြီးထိ ၁၆ မီတာခန့် အတိုင်းအတာရှိတဲ့ megalodon ဟာ ကျောင်းကားထက် ပိုကြီးတယ်လို့ ဆိုပါတယ်။

ယနေ့ခေတ် ငါးမန်းဖြူကြီးရဲ့ အရွယ်အစားနဲ့ ယှဥ်ကြည့်မယ်ဆိုရင် နှစ်ဆမှ သုံးဆခန့် ပိုကြီးတာ တွေ့ရပါတယ်။ သုတေသီများရဲ့ အကြံပြုချက်မှာ megalodon များဟာ သားကောင်များကို တစ်ကြိမ် အမဲလိုက်ပြီးသည်နှင့် သမုဒ္ဒရာထဲမှာ လအတော်ကြာ သွားလာနိုင်တယ်လို့ ဆိုကြပါတယ်။

ဒါအပြင် သူ့ရဲ့ ပုံမှန်ကူးခတ်သွားနှုန်းဟာ ယနေ့ငါးမန်းများထက် ပိုမိုမြန်ဆန်တာကြောင့် သမုဒ္ဒရာများစွာကို လွယ်ကူစွာ ဖြတ်ကျော်သွားနိုင်တယ်လို့ တွက်ဆထားပါတယ်။Megalodon ငါးမန်းများဟာ လွန်ခဲ့တဲ့ နှစ်ပေါင်း 2.6 သန်းမှ 23 သန်းအထိ နေထိုင်ခဲ့ကြတဲ့ ဧရာမသတ္တဝါကြီးတွေ ဖြစ်ပါတယ်။

သူ့ရဲ့ ဘဝအကြောင်း သဲလွန်စများကို ရှာဖွေယခုလို့ megalodon 3D ပုံစံဖန်တီးရာမှာ အရိုးစုများဟာ မပြည့်စုံတာကြောင့် ၁၈၆၀ ခုနှစ်များကတည်းက ဘယ်လ်ဂျီယံပြတိုက်တွင်ရှိခဲ့သော ရှားပါးကျောရိုးအစုအဝေးတစ်ခုအပါအဝင် ရရှိနိုင်သောကျောက်ဖြစ်ရုပ်ကြွင်းအနည်းငယ်ကို အသုံးပြုခဲ့တာ ဖြစ်ပါတယ်။