ကမ္ဘာတဝှမ်းမှာ စက္ကန့်တိုင်း ၊ မိနစ်တိုင်း ၊ နာရီတိုင်း ကလေးဘယ်နှယောက်မွေးတယ်ဆိုတာ သင်စဉ်းစားဖူးပါသလား။ ပညာရှင်တွေရဲ့ လေ့လာချက်အရဆိုရင် ယူကေ၊ ဥရောပနှင့် အာရှအလယ်ပိုင်းတို့မှာ တစ်နှစ်လျှင် ကလေးဦးရေ သန်း ၁၃၀ ခန့် မွေးဖွားပြီး တစ်စက္ကန့်လျှင် ကလေး ၀.၃၅ ဦး ၊ မိနစ်တိုင်းမှာ ၂၁ ဦးထိရှိတယ်လို့ ဆိုကြပါတယ်။

အလားတူ အာဖရိကဆာဟာရအောက်ပိုင်းမှာလည်း တစ်မိနစ်လျှင် ၇၂ ဦးနှင့် ညီမျှတဲ့ စက္ကန့်တိုင်းမှာ ကလေး ၁.၂၁ ဦး မွေးဖွားပါတယ်။ ၂၀၁၈ ခုနှစ်က ခန့်မှန်းချက်မှာတော့ ကမ္ဘာတစ်ဝှမ်း အကြမ်းဖျင်းကလေး မွေးဖွားနှုန်းဟာ တစ်မိနစ်လျှင် ကလေးမွေးဖွားမှု ၂၅၀ ခန့်၊ တစ်နာရီလျှင် ၁,၅၀၀၀ နှင့် တစ်နေ့လျှင် ၃၆၀,၀၀၀ ခန့်ရှိတယ်လို့ဆိုပါတယ်။

ဒါပေမယ့် နေရာဒေသပေါ်လိုက်ပြီး ကလေးမွေးဖွားမှု အရေအတွက်မှာ ကွဲပြားမှုများ ရှိပါတယ်။ အချို့နိုင်ငံတွေမှာဆိုရင် အခြားနိုင်ငံတွေထက် သိသိသာသာ လျော့နည်းတာတွေ့ရပါတယ်။

ဆိုလိုတာက ဖွံ့ဖြို့ပြီး နိုင်ငံတွေရှိ ကိုယ်ဝန်ဆောင် အမျိုးသမီးအရေအတွက်နှင့် ဖွံ့ဖြိုးမှုနည်းနေတဲ့ နိုင်ငံတွေရှိ ကိုယ်ဝန်ဆောင် အမျိုးသမီး‌အရေအတွက်တို့ အနည်းငယ်ကွာ ဟချက်ရှိတာကို ပြောချင်တာပါ။ သူတို့ရဲ့ ဖော်ပြချက်မှာတော့ ဖွံ့ဖြို့ပြီး နိုင်ငံတွေက မွေးဖွားမှုနှုန်း များတယ်လို့ဖော်ပြထားပါတယ်။

ဒါကလည်း သူတို့ရဲ့တိကျတဲ့ အဖြေတစ်ခုတော့ မဟုတ်ပါဘဲ ခန့်မှန်းချက်များသာ ဖြစ်မယ်လို့ ထင်ပါတယ်။ ကျွန်တော် အထင်ဆိုရင် အထူးသဖြင့် ဆင်းရဲတဲ့ နိုင်ငံတွေမှာ ကလေးမွေးဖွားနှုန်းက သိသာထင်ရှားစွာ ပိုများမယ်လို့ ထင်ပါတယ်။

ဘာကြောင့်လဲဆိုတော့ တချို့ဖွံ့ဖြိုးနိုင်ငံတွေမှာ ကလေးမွေးမှုနှုန်း ကန့်သက်တာတွေရှိသလို ၊ ခေတ်မှီတဲ့ ဆေးတွေ ပေါ်ပေါက်လာခြင်းနှင့်အတူ ကလေးမွေးဖွားမှုနှုန်းကိုလည်း အဟန့်အတားဖြစ်တာကြောင့်လို့ ယူဆရပါတယ်။