သွားကိုက်တာ၊ သွားဖုံးနာတာတွေက တော်တော်လေး ခံရခက်စေပြီး အစားအစာရတာ၊ စကားပြောရတာ၊ အလုပ်အာရုံစိုက်ရတာတွေတောင် အခက်အခဲဖြစ်စေပါတယ်။ နာကျင်မှုကိုသည်းမခံနိုင်တဲ့အဆုံး သွားဆရာဝန်နဲ့ သွားပြရပါတယ်။ ဒါပေမဲ့ သွားကိုက်တာ၊ သွားဖုံးနာတာ အရမ်းမပြင်းထန်ဘူးဆိုရင် အိမ်မှာပဲ ဒီနည်းလမ်းလေးတွေနဲ့ အလွယ်တကူကုသနိုင်ပါတယ်။
ကြက်သွန်ဖြူ
ကြက်သွန်ဖြူက ဆေးဝါးဆိုင်ရာဂုဏ်သတ္တိများစွာနဲ့အစွမ်းထက်အစားအစာဖြစ်ပါတယ်။ အအေးမိဖျားနာခြင်းအတွက် အသုံးများတဲ့ ကြက်သွန်ဖြူက ဘတ်တီးရီးယားတွေကိုတိုက်ဖျက်ပေးတဲ့ အယ်လီဆင် (Allicin) ဓာတ်တွေ ပါဝင်ပြီးသွားကိုက်တာ၊ သွားဖုံးနာတာတွေကို ကုသတဲ့နေရာမှာ အတော်လေးထိရောက်ပါတယ်။
ရှားစောင်းလတ်ပက်
ရှားစောင်းလတ်ပက်ကလည်း ရောဂါပိုးမွှားတွေကို ဖျက်စီးပစ်နိုင်တဲ့ သဘာဝဂုဏ်သတ္တိတွေရှိပြီး သွားယိုယွင်းပျက်စီးခြင်းကနေ ကာကွယ်ပေးနိုင်စွမ်းရှိပါတယ်။ ဒါကြောင့်သွားကိုက်တာ၊ သွားဖုံးနာတာတွေခံစားရတဲ့အခါ ရှားစောင်းလတ်ပက်ကို အသုံးပြုလိုရပါတယ်။
လေးညှင်းပွင့်ဆီ
သွားတွေ တဒုတ်ဒုတ်ကိုက်ခဲနေပါက နည်းလမ်းတစ်ခုက သွားပေါ် လေးညှင်းပွင့်ဆီတွေ လိမ်းပေးဖိုပါပဲ။ လေးညှင်းပွင့်ဆီမှာ ဘက်တီးရီးယားပိုသေစေနိုင်တဲ့သတ္တိတွေပါဝင်ပြီးအကိုက်အခဲပျောက်ကင်းစေတဲ့ အစွမ်းသတ္တိအတွက် လူသိများပါတယ်။ စစလိမ်းချင်းမှာ နာကျင်ပေမယ့် နောက်ပိုင်းမှာသက်သာစေပါတယ်။
ဆားရည်က ဘတ်တီးရီးယားပိုးမွှားတွေကို သဘာဝအလျောက်သတ်ပေးနိုင်တဲ့ ဂုဏ်သတ္တိရှိပြီး သွားကြားမှာညက်နေတဲ့ အစားအစာအမှုန့်အမွှားတွေကို ဖယ်ရှားပေးနိုင်ပါတယ်။ ဆားရည်နဲ့ ပလုတ်ကျင်းပေးခြင်းကလည်း နီမြန်းရောင်ရမ်းခြင်းကို ပြေလျော့စေတဲ့အပြင် သွားဖုံးမှာရှိနေတဲ့အန္တရာယ်ဖြစ်စေတဲ့ဘတ်တီးရီးယားပိုးတွေကို သတ်ပေးနိုင်ပါတယ်။
Source: Wellnessbin
Photo Credit: Google