လူတွေဟာ သွားတွေ တဖြည်းဖြည်းနဲ့ အဝါရောင် ဖြစ်လာတဲ့အခါမှာ စိုးရိမ်နေတတ်ကြပါတယ်။ တကယ်တော့ သွားတွေအဝါရောင်ဖြစ်တယ်ဆိုတာက ကျန်းမာရေးဆိုးဆိုးဝါးဝါးဖြစ်နေတယ်ဆိုတဲ့ လက္ခဏာရပ်တော့ မဟုတ်ပါဘူး။ ဒါပေမယ့်လည်း သွားဝါခြင်းက ရုပ်အသွင်အပြင်ပိုင်းဆိုင်ရာကိုတော့ ထိခိုက်စေပါတယ်။ ဒါကြောင့် သွားတွေ ဘာလို့အဝါရောင်ဖြစ်လာရတယ်ဆိုတာကို ပြောပြပေးသွားပါမယ်။
(၁) မျိုးရိုးဗီဇ
တစ်ခါတရံမှာ သွားတွေဟာ မျိုးရိုးကိုလိုက်ပြီးတော့ အရောင်ထွက်တတ်ပါတယ်။ မိဘတွေရဲ့ သွားဟာ အဝါရောင် ဖြစ်ခဲ့မယ်ဆိုရင် သားသမီးဖြစ်တဲ့သူရဲ့ သွားတွေကလည်း ဆင်တူတဲ့ အရောင်အသွေး ဖြစ်နိုင်ပါတယ်။ နီညိုရောင်၊ နီဝါရောင်၊ မီးခိုးရောင်တို့က သွားတွေရဲ့ သဘာဝ အရိပ်အရောင်တွေဖြစ်ပြီး အရောင်ရဲ့အတိမ်အနက်ကတော့ အလင်းကနေ မှောင်မိုက်တဲ့အထိ ရောင်စဉ်အလိုက် ကွဲပြားနိုင်ပါတယ်။
(၂) ဆေးလိပ်သောက်ခြင်း
ဆေးလိပ်သောက်ခြင်းက ကျန်းမာရေးနဲ့ မညီညွတ်တဲ့အပြင် ဆေးလိပ်မှာပါဝင်တဲ့ နီကိုတင်းကလည်း သွားတွေရဲ့ မျက်နှာပြင်ပေါ်မှာ အဝါရောင် ဒါမှမဟုတ် နီညိုရောင် အစွန်းအထင်းတွေ ဖြစ်စေပါတယ်။
(၃) ခံတွင်းသန့်ရှင်းမှု အားနည်းခြင်း
ပါးစပ်ကို မကြာခဏ သွားပွတ်ကြိုးနဲ့ သွားချေးတွေကို ဖယ်ရှားခြင်းနဲ့ ဆေးကြောခြင်းတွေ မပြုလုပ်တဲ့အခါမှာ သွားတွေဟာ အရောင်ပြောင်းလဲလာနိုင်ပါတယ်။
(၄) အစားအစာ
အစားအစာတွေကလည်း သွားတွေကို စွန်းထင်းစေနိုင်ပါတယ်။ ခေါက်ဆွဲဆော့စ်၊ ဟင်းခတ်အမွှေးအကြိုင်များနဲ့ ဘယ်ရီသီးတွေထဲက ခရမ်းချဉ်သီးဟာလည်း သွားကြွေလွှာမှာ တွယ်ကပ်ပြီးတော့ စွန်းထင်းစေပါတယ်။
(၅) အချိုရည်
သွားများကို အဝါရောင် ဖြစ်စေတဲ့ အကြောင်းရင်း တွေထဲမှာ ကော်ဖီနဲ့ လက်ဖက်ရည်တွေ ပါဝင်တဲ့အပြင် အပေါ့စား ဆိုဒါများနဲ့အနံ့အတု ပြုလုပ်ထားတဲ့ ဖျော်ရည်တွေလည်း ပါဝင်ပါတယ်။
အခုလို သွားဝါစေတဲ့ အကြောင်းအရင်းတွေကို သိရှိထားခြင်းက ကုသခြင်းနဲ့ ကာကွယ်ခြင်းတို့အတွက်လည်း အကူအညီဖြစ်စေပါတယ်။
source - medicinenet
Bong I.T