ငယ်ငယ်က ကျွန်တော်တို့ အဖေအမေတွေ ပြောပြခဲ့ဖူးတဲ့ အိပ်ယာဝင်ပုံပြင်တွေမှာ တစ္တေ သရဲ ပရလောကသားတွေကိုတောင် လက်အောက်တပည့်သားတွေအဖြစ် စေခိုင်းနိုင်တဲ့ စုန်းတွေရဲ့ အကြောင်းကို ခဏခဏနာထောင်ခဲ့ဖူးပါတယ်။

စုန်းတွေကို ဘယ်လိုနေရာတွေမှာ တွေ့ရတတ်တယ်... ဘယ်သူတွေကို သေတဲ့အထိ ပြုစားတယ်ဆိုတဲ့ အကြောင်းတွေပေါ့ ။ အဲ့ဒီတုန်းက စုန်းတွေကို ငယ်ငယ်က ပုံပြင်အနေနဲ့သာ ကြားဖူးခဲ့ပေမယ့် အပြင်လောကမှာ တကယ်ရှိနေသလားဆိုတဲ့ မေးခွန်းပါ။ဒါပေမယ့် အဲ့ဒီမေးခွန်းကို ဖြေရှင်းနိုင်လောက်တဲ့ ဖြစ်စဉ်တစ်ခုတော့ ရှိပါတယ်။ အဲ့ဒါကတော့ ပိုလန်ရှေးဟောင်းပညာရှင်တွေ တွေ့ရှိခဲ့တဲ့ အရိုးစုတစ်ခုပါ။

ဒီအရိုးစုကို ပညာရှင်တွေဟာ အလယ်ခေတ်တုန်းက "စုန်း" အရိုးစုလို့ ယူဆခဲ့ကြပါတယ်။ ဒါကလည်း အဲ့ဒီအရိုးစုတွေကို သူတို့က DNA စစ်ဆေးပြီး တွေ့ရှိခဲ့ပါ။ အဲ့ဒီ"စုန်း"ဟာ ရွှေရောင်ဆံပင်နှင့် မျက်လုံးပြာရှိတဲ့ အမျိုးသမီးတစ်ဦးဖြစ်ပြီး ပြိုင်ဘက်တွေရဲ့ နှိပ်စက်ခံခဲ့ရကာ သေဆုံးခဲ့တာ ဖြစ်သလို အလောင်းကိုလည်း ၁၆ ရာစု နှင့် ၁၇ ရာစုနှစ်လောက်က မြုပ်နှံထားတာဖြစ်တယ်လို့ ယူဆထားခဲ့ပါတယ်။

လက်ရှိမှာ အဆိုပါ စုန်းအရိုးစုကို မီးရှို့ဖျက်ဆီးခြင်းမလုပ်ဘဲ Kamien Pomorski မြို့ရှိ ဒေသဆိုင်ရာသမိုင်းပြတိုက်မှာ ပြသထားပါတယ်။ ထူးခြားတာ တစ်ခုကတော့ အဲ့ဒီအရိုးစုဟာ ယနေ့ခေတ်သာမာန် လူတွေရဲ့ အရိုးစုနဲ့ မတူတာ တွေ့ရပါတယ်။

ဒါပေမယ့် ဒီအရိုးစုကို စုန်းမရဲ့အရိုးလို့ သူတို့က ယူဆကြပေမယ့် ကျွန်တော်ရဲ့ အယူအဆဆိုရင် သာမာန်လူတစ်ယောက်ရဲ့ အရိုးစုလို့ ထင်ပါတယ်။ ဘာကြောင့်လဲဆိုတော့ ရှေးခေတ်လူသားတွေဟာ သန်မာထွားကျိုင်းကြပြီး ဒီဘက်ခေတ် လူတွေရဲ့ အရိုးအဆစ်တွေနဲ့ နည်းနည်းကွဲလွဲကြလို့ပါ ။ သင်တို့ရော ဒီရှေးဟောင်းအရိုးစုကို ဘယ်လိုထင်ကြလဲ...။